admin
Thokozile Mbedzi
INHLANGANISO yabalimi yeAgritex isikhuthaze abalimi kundawana zonke zelizwe ukuthi bavule imigelo ekhupha amanzi emasimini abo.
Ekhuluma lentatheli uProvincial Agritex Officer uMnumzana Dumisani Nyoni uthe abalimi kundawana zonke zelizwe kabavule imigelo emasimini abo ukuze amanzi engami phakathi kwamasimu ngoba engaphambanisa izilimo zabo.
“Abalimi kumele bavule imigelo emasimini abo ukuze amanzi engami phakathi kwamasimu abo.
Amanzi engama abemanengi ayona kucine sokutota izilimo zingasenzi kuhle.
“Imigelo le kumele bayivulele lapho okwehlela khona amanzi ukuze amanzi angami kucine kusiba lamachibi phakathi ensimini kodwa umgelo wenza amanzi aphumele phandle kwensimu,” kulandisa uMnu Nyoni.
Uthe abalimi abadinga usizo kabakhululeke baye kubalimisi abaseduzane labo ukuze babancedise bathole isivuno esihle.
“Abalimi kumele ngaso sonke isikhathi basondele kubalimisi babo masinyane nxa kulenhlupho abahlangana lazo ukuze bathole usizo ngokuphangisa bengakonakalelwa yizilimo zabo.
“Abalimi kumele bananzelele njalo baziphe isikhathi sokuhlola emasimini abo ngaso sonke isikhathi ukuze babone lapho okuyabe kumele bakulungisise kusase masinyane,” kuphetha uMnu Nyoni.
Online Reporter