Online Reporter
UTHI wenqabe u-R100 000 kowesilisa obemcela embhedeni umdansi wesilisa, owaziwa ngelokuthi Stufuza, osezakhele udumo ngokugida egqoke impahla zabesifazane, amaphinifa leqhiye, ezinkundleni zokuxhumana.
Lokhu kuvele ngesikhathi intatheli ilengxoxo ekhethekileyo lalumdansi weDududu, eMkhomazi, ogama lakhe nguSiboniso Ngcongo (28), olilandise ngohambo lwakhe kulumkhakha.
UNgcongo uthi lo owesilisa ombhalele ezinyangeni ezimbalwa ezedluleyo, ubezimisele ukukhokhela zonke izindleko zokumsusa eThekwini, aze ayofinyelela kuye eGoli.
“Wabona amavidiyo ami kuTiktok, wathola lenombolo yami yocingo kuwo, wangitshayela engitshela ukuthi uthanda indlela umzimba wami owakhiwe ngayo, uzonginika i-R100 000, futhi akhokhele ithikithi lami lendizamtshina lendawo engizalala kuyo, uma ngizavuma ukulala laye.
“Ngambhulokha ngaleso sikhathi, ngoba ngingowesilisa opheleleyo. Nakuba isakhiwo sami silakho ukubukeka njengesowesifazane, kodwa ngingowesilisa nje opheleleyo,” utsho njalo.
Udaba luyaqhutshwa ebulenjini
Ulandisele leli phephandaba ngokuqala kohambo lwakhe emkhakheni wezokujabulisa, njengoba ethi waqala njengomculi kamaskandi ngo-2015, kodwa watshiya phansi ngemva kokuduma komculi weLimpopo uMakhadzi, okunguye abukela kuye.
“Ngesikhathi ngibuka uMakhadzi eminyakeni emibili eyedluleyo, ngathathwa yindlela ayedansa ngayo, ngagqugquzeleka ukuthi lami ngingakwazi ukudansa njengaye. Ngangilovalo ngesikhathi ngisaqala njengoba ngangingazi ukuthi abantu bazangamukela njani.
“Ngenhlanhla-ke, ngamukeleka kahle, abantu bakhombisa ukungithanda. Yiloba nje bekhona labo abalezinkulumo ezingezinhle, kodwa sengizifundise ukungabanaki, ngiqhubeke ngento engiyenzayo,” utsho njalo.
Uthi lokhu akwenzayo ukuthatha njengomsebenzi wakhe. Uphethe ngokukhuza abesilisa abambhalela ezinkundleni zokuxhumana, becela uthando kuye. Uthi lokhu kakumphathi kuhle njengoba engumuntu wesilisa, futhi ulezingane.-Ilanga
