Online Reporter
Lovemore Dube
OSAKHULAYO ogijimayo, ovela eBinga, uTulange Mudenda uthe ukhangelele ukukhula kulumdlalo ayekude ngawo.
Ukhulume amazwi la eseBindura ngoMgqibelo lapho aphiwe khona isicoco sokuba ngosakhulayo kwabesifazane owenze kuhle ukwedlula abanye.
Ubelomnyaka omuhle ethola imendulo lapho abegijima khona kumincintiswano yakuleli, eNamibia laseNigeria.
“Ngiyajabula ukuthi ngenze kuhle. Ngilesifiso sokuthi laphambili ngenze kuhle, nginqobe,” yatsho uMudenda.
Umncintiswano weBindura wenzelwe ukuthi kukhethwe iqembu elizamela iZimbabwe kumaWorld Cross-Country Championships eMelika mhlaka 10 Zibandlela ngo2026.
UMoiller Mullar ube ngowesibili kwathi uKimberley Kachambwa ungene kunombolo yesibili kuzicoco zabasakhulayo.
Kuma-hurdles kunqobe uAshley Miller kwalandela uVimbai Maisvoreva loFortunate Chidzivo.
Kwabesilisa akumangalisanga ukuthi uTapiwanashe Makarawu athathe isicoco.
Ubelomnyaka omuhle ngokwephula imbali ye200m egijima nge9,84 seconds. Isikhathi sakhe ese19,94 seconds besingene ku2025 kuyiso esiphezulu kodwa wagijima ngaphansi kwaso kwaze kwabakabili eqala nge19,92 seconds eyayigijinywe languManakaishe Charamba uMakarawu engakagijimi esifanayo lokwephula i-national record.
UMakarawu loCharamba baqede umnyaka bezingqungquthela ku-indoor 200m ngesikhathi esihle ese20,13 seconds.
UMakarawu waba ngowesi-khombisa kumaWorld Championhips. Isicoco seSenior Male Athlete kube ngu-Isaac Mpofu.
