Xhaka inina lempahla ezenziwe ngempondo zendlovu

The conviction has been welcomed by the National Prosecuting Authority, which described the matter as a severe violation of trust and a grave crime against a vulnerable child.

Ethel Ncube

KULENINA leMalindela koBulawayo elibotshwe ngemva kokutholakala lithengisa impahla ezenziwe ngempondo zendlovu.

Inina leli, uMuchapirei Milliam oleminyaka engu-34 yokuzalwa ubotshwe ngempelaviki ngemva kokuba abacuphi bethole udletshana lokuthi uthengisa impahla ezenziwe ngempondo zendlovu.

Amapholisa ohlangothi lwabacuphi ahamba ezitolo zeBradfield bafika bamhlola bathola esikhwameni elama-bangles angu-42 enziwe ngempondo zendlovu kunye lezitampa ezingu-12 ezehlukeneyo ezenziwe ngempondo ezifanayo kodwa engelancwadi ezimnika imvumo yokuzithengisa okwabangela ukuthi abotshwe.

Intatheli ixhumane lobambele isikhulumi samapholisa koBulawayo uAssistant Inspector Thandekile Ndlovu obike ukuba indaba enjalo isezandleni zamapholisa.

“Sithanda ukubonga uzulu ngokusipha udletshana njalo sithanda ukucebisa uzulu ukuba nxa esebenza ngempahla ezenziwe ngempondo zendlovu kumele abe lamaphepha aveza ukuba lokhu ukwenza ngokusemthethweni,” kutsho uAsst Insp Ndlovu.