Online Reporter
YiNtatheli kaMthunywa
NGENXA yokuthanda imbanje okwedlulisileyo, kulepholisa elitholakale lilembanje endlini yalo, phakathi kwenkamba eGwanda.
Ipholisa leli, uKnowledge Maphosa (32), limiswe phambili komthethwandaba kamantshi eGwanda, ngecala lokugcina izidakamizwa eziyingozi. Ubotshwe ngemva kokuba amapholisa ethole udletshana lokuthi ikamelo lakhe laba yindawo yokusebenzisa izidakamizwa.
Ngokutsho kweNational Prosecuting Authority of Zimbabwe, (NPAZ), mhlaka 29 Mpalakazi 2025, uhlangothi lweCriminal Investigations Department (CID), lwathola umbiko wokuthi uMaphosa wayelezidakamizwa ekamelweni lakhe, phakathi enkambeni yamapholisa.
Ngosuku olulandelayo, amapholisa aqoqoda ekamelweni likaMaphosa, ehlose ukuzohlolisisa. Phakathi kokukhangela ekamelweni, bathola imbanje ezibiza imali engange-ZiG120 kamunye lengidi esetshenziswa ekubhemeni i-crystal methamphetamine.
UMaphosa wahle wabotshwa khonapho.
Emthethwandaba, umsolwa watshelwa ukuthi kumele abhadale i-US$300 kumbe ahlale ejele inyanga ezintathu nxa engehluleka ukubhadala.
