Online Reporter
Brandon Moyo
ABALANDELI bomdlalo wekhilikithi bazathola ukuchitha isikhathi bebukele imidlalo yeYouth One Day International Tri-Series phakathi kweZimbabwe, Pakistan le-Afghanistan ezaqala ngeKhisimusi eHarare Sports Club. Imidlalo le iyingxenye yamalungiselelo omncintiswano we- International Cricket Council (ICC) U19 Men’s Cricket World Cup 2026, ozaphathwa yiZimbabwe leNamibia ngoZibandlela.
“Imidlalo yeTri-Series siyiphatha njengamalungiselelo e-ICC U19 Men’s Cricket World Cup,” kubika umqondisi omkhulu weZimbabwe Cricket uGivemore Makoni.
“Ukudlala lamazwe alamaqembu aqinileyo, iPakistan le-Afghanistan kuzanikeza abadlali bethu ithuba lokuthi balungiselele.”
Umdlalo wesibili weTri-Series uzadlalwa mhlaka 27 Mpalakazi phakathi kwe-Afghanistan lePakistan eHarare Sports Club. Imidlalo izabe ikhona njalo lasePrince Edward School mhlaka 29 Mpalakazi, iZimbabwe idibana lePakistan.
Mhlaka 31 Mpalakazi, iZimbabwe izadlala le-Afghanistan enkundleni yeHarare Sports Club.
Izethekeli zizadibana okwesibili, mhlaka 2 Zibandlela, enkundleni efanayo. Kusigaba se-round Robin, e-Old Hararians Sports Club, iZimbabwe ihlelwe lePakistan.
Amaqembu amabili azaqeda ephezulu azahlangana ku-final mhlaka 6 Zibandlela e-Old Hararians Sports Club. Imidlalo yeWorld Cup izaqalisa mhlaka 15 Zibandlela kusiya ku 6 Nhlolanja, lapho okuzancintisa khona amazwe angu-16.
