Online Reporter
Brandon Moyo
Njengoba umncintiswano wekhilikithi owe-2026 ICC Men’s Under-19 World Cup ususondele, sekubikwa ukuba iZimbabwe izaphatha i-61 phesenti yemidlalo, kuthi eminye idlalwe eNamibia.
Kuzabe kulemidlalo engamatshumi amane kulumncintiswano. Phakathi kwayo, engamatshumi amabili lanhlanu izadlalwa kuleli.
Imidlalo izaqala mhlaka 15 Zibandlela kusiya fika umhlaka 6 Nhlolanja 2026.
Inkundla yeHarare Sports Club izabamba umdlalo wokucina mhlaka 6 Nhlolanja.
Imidlalo yamaqoqo izabe iseQueens Sports Club koBulawayo laseTakashinga Sports Club eHarare. Ihlandla lama semi-final lizabe liseQueens Sports Club laseHarare Sports Club.
Kuzancintisa amazwe alitshumi lasithupha. Kumdlalo wakuqala iZimbabwe izadibana leScotland, iMelika idlale le-India, iTanzania izabe ileWest Indies.
Inkundla zeNamibia ezizaphatha imidlalo yiNamibia Cricket Ground leHP Oval.
Amaqembu afakwe kumaqoqo amane, kulandela isigaba seSuper Six kuze kuyefika kusigaba se-final.
Intshantshu zanyakenye, i-Australia, ziqalisa umkhankaso wazo zidlala le-Ireland edolobheni leWindhoek. IBangladesh izahlangana lesitha sayo i-India mhlaka 17 Zibandlela koBulawayo.
IZimbabwe ikuqoqo lika-C leNgilandi, Pakistan leScotland.
Amazwe ahlelwe kanje ku2026 ICC Men’s Under-19 Cricket World Cup:
Group A: Australia, Ireland, Japan, Sri Lanka
Group B: Bangladesh, India, New Zealand, USA
Group C: England, Pakistan, Scotland, Zimbabwe
Group D: Afghanistan, South Africa, Tanzania, West Indies.
