Online Reporter
Nkosilathi Sibanda lo-Innocent Kurira
AMAQEMBU asekelwa ngabanengi kuleli, iHighlanders leDynamos adibana enkundleni yeRufaro ngeSonto ngemva kwamalanga ayisikhombisa, esanda kudlala ngokulingana nge 1-1, emdlalweni weligi obuseBarbourfields.
Kodwa, umdlalo lo akusiwo ojwayelekileyo, yi-semi-final yeChibuku Super Cup njalo kumele kube khona ezanqoba.
Umqeqetshi weDynamos, uKelvin Kaindu uchaze lumdlalo ngokuthi: “Ikhona ezasala emuva.”
IDynamos yintshantshu yeChibuku Super Cup yanyakenye njalo izahlosa ukuthi ivikele lesicoco, okwamasizini amathathu elandelana.
Amaqembu la, aziwa ngokuthi yiwo amakhulu elizweni, ukufinyelela ku-final yenkezo yeChibuku Super kuzabe kuyimpumelelo ezwayo ngoba womabili kazange abe lesizini enhle lonyaka.
UKaindu wengeze ngokuthi balungiselela umdlalo omkhulu.
“Ngumdlalo omkhulu ozayo. Bekuzaba ngcono kakhulu ukuba amaqembu womabili ahlangane ku-final.
Loba silwela ukugcina indawo yethu kuligi, kuzamele senze ngcono kulinkezo.”
Kumkhankaso wayo, iDynamos ibinqoba ngesikhathi sembekwa lapho itshaya iYadah, Simba Bhora leZPC Kariba.
IHighlanders, eyaba yintshantshu yenkezo le ngesizini ka2019, izafuna ukuthi iphendukise injabulo kunengi labasekeli bayo. Umqeqetshi wayo, uPieter De Jongh, uthe kulokuzethemba okuphezulu kubadlali bakhe.
“Siya emdlalweni ngokuzethemba. Abantu abanengi babelindele ukuthi uKaindu uzakwenza izimanga kumdlalo weligi, kodwa akwenzakalanga. Ngempelaviki le, sigxile kumqhudelwano wenkezo,” kutsho uDe Jongh.
Komunye umdlalo weChibuku Super, iTriangle izabe idlala leMWOS.
Impumela yemidlalo yeChibuku Super kulisizini:
Kusigaba sokuvula: Dynamos 0-0 Yadah (Dynamos yanqoba 4-3 kumbekwa), Triangle 1-0 Kwekwe United (Ali Sadiki)
Kusigaba sakuqala: Simba Bhora 1-1 Dynamos (Dynamos won 4-3 pens), MWOS 2-0 CAPS Utd (Nigel Matinha), FC Platinum 0-0 Manica Diamonds (Manica yanqoba 5-3 kumbekwa), TelOne 1-1 Bikita Minerals (Bikita yanqoba 5-4 kumbekwa), Scottland 1-0 Greenfuel, Ngezi 0-0 Triangle (Triangle yanqoba 6-5 kumbekwa), ZPC Kariba 0-0 Chicken Inn (ZPC Kariba yanqoba 6-5 kumbekwa), Herentals 0-1 Highlanders (Mason Mushore)
Quarter-finals: Manica Diamonds 0-2 Triangle, Dynamos 0-0 ZPC Kariba (Dynamos yanqoba 4-2 kumbekwa), Bikita Minerals 1-3 MWOS, Highlanders 2-2 Scottland (Bosso yanqoba 2-1 kumbekwa).
