Online Reporter
YiNtatheli kaMthunywa
KULENDODA yePlumtree ebotshelwe ukulima imbanje esivandeni sayo.
Indoda le, uMelusi Mapolisa weRangemore Sewage Ponds, ePlumtree, kubikwa ubelime imbanje njalo ezinye ezithengisa.
Umsolwa kubikwa ubotshwe ngoLwesithathu kuviki ephelileyo kulandela ukwamukela udletshana lokuba ulime imbanje esivandeni sakhe abuye azilungise kuhle azithengisele umphakathi.
Kusitatimende samapholisa, “Umetheswacala ubelime imbanje lezi esivandeni sakhe ukuze azithengisele umphakathi.
“Amapholisa asuphune izihlahla ezimbalwa ngesikhathi kubotshwa indoda le.”
Amapholisa aveze ukuba kulezinsuku aqhuba umkhankaso wokubopha bonke abalima imbanje ezivandeni zabo bethengisela abantu abatsha.
“Siyaqhubeka ngokuxwayisa umphakathi ukuba utshiye umkhuba wokuthinteka ekuthengisweni lekusetshenzisweni kwezidakamizwa.
“Labo abazatholakala besephula umthetho bazabotshwa bajeziswe,” kutsho isitatimende lesi.
