admin
ABADLALI beqembu leHow Mine FC okwaziwa ukuthi sebekhule bedlulisa kunguqu sekuvele ukuthi bahawukelwa ngamaqembu atshibilika kumaligi alemali ezweni leSouth Africa, uMthunywa uyakuveza lokhu.
Phose abadlali abedlula itshumi kuHow Mine baleminyaka edlula engamatshumi amathathu.
Lokhu kuvele ngoMvulo ngesikhathi izimbamgodi zilolonga lapho iphephandaba likazulu elizwe udletshana lokuthi bakhona abadlali abangathengiselwa eGoli.
Okulusizi ngalokhu, yikuthi iHow Mine ayifuni lakuzwa ukuthi abadlali bayo bahlamukele iqembu.
Iphephandaba likazulu liyakuveza lamuhla ukuthi imvimbi ezintathu ezibalisa uTapuwa Khumbuyani, lo Gilbert Banda kungenzeka balikhabe beseGoli ngesizini elandelayo.
“Kulabadlali bethu engingeke ngabaqamba ngamabizo abazabizwa kumathimu eGoli, kulethalenta elimangalisayo kulumncitiswano.
Akuqalisi ukuthi amazwe aseSouth Africa akhalele ukudlalelwa ngabadlali beZimbabwe.
UBanda, ukaputeni wethimu wayefunwa ngamaqembu amabili akumaligi akweleSouth Africa ngesizini edluleyo.
Amathimu la ngatshibilika kuligi yeNational First Division eyaziwa ngokuthi yiMvelaphanda.
UBanda uzikhulumele ukuthi ngesikhathi sekhefu lokulindela imidlalo yesigaba sesibili seligi waba lethuba lokuthi ayezibonakalisa eSouth Africa.
Imvimbi le yehluleka ukuyabonwa ngabaqeqetshi baphetsheya ngoba inkokheli zeHow Mine zala ukuthi ayezama inhlanhla.
“Ngathola ithuba lokuthi ngiyelolonga eSouth Africa kwamanye amathimu akuligi aphansi. Ngokuxoxisana labadala beqembu, ngacetshiswa ukuthi ngiyayindawo.
“Isizatho engasiphiwa ngabadala ngesokuthi ngiqale ngithole i-experience ngokudlala kuPSL anduba ngiye phandle kwelizwe.”
Isicebiso esaphiwa uDube sengezwe nguWashington Mandizha owake waba ngumgcinisihlalo weqembu.
UMandizha uthe abadlali kumele baqine ngokudlalela ithimu le ngoba bengajaha ukutshiyana layo bazazisola.
“Iqiniso engilitshela lona njengabadlali yikuthi lingatshiyani leqembu leli. Lasuka lalo likuDivision One ngakho kumele lidonse lalo lakuPSL.
“Kuyaziwa ukuthi abadlali benguqu bajwayele ukutshiya amaqembu ngalesi isikhathi, kodwa ungakwenza lokhu kumele unanzelele ukuthi awenzi phutha. Ungatshiyi iqembu nxa ungelaqiniso lokuthi uzafika udlale njani kwelinye iqembu.”
UMandizha lo uhlonitshwa kakhulu ngabadlali beHow Mine njengomunye wenkokheli ezasungula ithimu le.
Iqula elakhokhela ithimu le yaze yangena kuPSL ibiloMlondolozi Nkomo obengumgcinisihlalo, kuthi umsekeli wakhe kunguSamuel Julius.
Online Reporter