adminEsau Hokonya ari kuGWERU
MUSIKANA wekuGweru ane makore 27 okuberekwa akabva pamuviri mushure mekunge arohwa zvakaipisisa nemudzimai wababa vake. Rosemary Chirume (27) anogara panhamba 2224 kuMkoba 14, anobvuma mhosva yekurova Veller Tsingano (17) izvo zvakazoita kuti abve pamuviri apo akamiswa pamberi pedare reGweru Magistrates’ Courts.Mutongi Misihaioni Shortgame akatemera Rosemary chirango chekugara mujeri kwemwedzi minomwe iyo yakazosendekwa padivi paine chitsidzo chekuti haapari imwezve mhosva yerudzi urwu mukati memakore mashanu.
Mukupa chirango ichi, mutongi Shortgame akatarisawo kuti aka ndekekutanga Rosemary achipara mhosva yakadai.
Muchuchisi Langton Magara akaudza dare kuti nemusi wa17 Chikumi gore rino munguva dzemangwanani, Tsingano ainge akagara mumba maRosemary pamwe chete nemukoma waRosemary, Belinda Chirume.
Pakarepo vaviri ava vakaita kusanzwisisana apo Rosemary aipomera tete vaTsingano kuti vanoroya.
Rosemary akabva arova Tsingano padumbu nechibhakera zvikaita kuti abude ropa rakanyanya achibva aparadzika pamuviri.
Online Reporter