admin
YiNtatheli kaMthunywa
UMDLALO wamaWarriors leBafana Bafana ufana lokuthi ngumdlalo nje, ongeke uncede lutho kuqembu lesizwe.
IZimbabwe idibana labomakhelwane bayo kumdlalo womkhankaso weWorld Cup loba yona isiphumile kulumncintiswano.
Zombili zizadlala kusasa ntambama.
Ekufikeni eGoli, umqeqetshi wamaWarriors uNorman Mapeza ubike ukuba isiqokoqela yikuthi abafana abakhethileyo badlalele ukuphakamisa isisindo selizwe.
Utsho kanje esazi ukuthi loba ingaze idliwe iZimbabwe, okubalulekileyo yikuqeda imidlalo eseleyo kulumkhankaso kudlalwe kuhle.
Sizama ukwakha iqembu elizokwazi ukunqoba. Iqembu lakusasa ngoba sidinga ukubuyisa ukuzigqaja kwethu ngobuzwe,” kutsho uMapeza ekhuluma lomsakazo weMetro FM kuliviki.
Online Reporter