Online Reporter
YiNtatheli kaMthunywa
UKUZE umphakathi uthole imithi ebalulekileyo, ngentengo ephansi, uhlangothi lwezempilakahle ekhansilini yakoBulawayo selubophe isinqumo sokuthi lunikeze imithi ethile kuzibhedlela zempilakahle edolobheni.
Izibhedlela zomphakathi koBulawayo yiMpilo Hospital, United Bulawayo Hospitals leNgutsheni Mental Hospital.
Lokhu kuvezwe nguMqondisi wezempilakahle koBulawayo City Council uDokotela Edwin Mzingwane kusethulo sakhe ekhansilini ngenyanga kaNhlangula, ebika ukuba benze lelinyathelo ngemva kokunanzela ukuthi kulabantu abalutshwane abathenga kumbe abadinga imithi emakilinika ekhansili.
UDkt uMzingwane uthe kumele ikhansili iphungule inani lemithi yempilakahle yabantu elayo, inikeze izibhedlela zomphakathi njalo imithi le kumele igoqela ijekiseni yeDiclofenac. Uthe ikhansili kumele yehlise intengo yemithi elayo, iphinde inikeze leyo esisele lenyanga ezintathu ukuthi isetshenziswe.
“Izibhedlela zamukela abantu abanengi njalo ziphatha imithi eminengi. Inyathelo leli lizakwenza kubengcono ukwehlisa izinga lokulahlwa kwemithi.”
Uthe sebenanzelele ukuthi imithi iyadula ekhansilini, ukwedlula kwezinye indawo.
