adminJohas Moyo
KULENINA lakoSivalo eNkayi elendileyo elizagebha igodi lithi ngeke liphinde libe lamatshamali amanengi nanko phela lilaliswe esibhedlela ngemva kokutshiselwa endlini ngomunye wamatshamali la kulandela ukudibana kwawo emzini walo.
Isiga lesi senzakale kuviki ephelileyo lapho uLangton Fuzane loMlamuli Dlamini abaficane khona kutshamali yabo uNosizi Dube.
Kubikwa enye yamatshamali kaNkszn Dube, uDlamini ngumnawakhe womkakhe.
Esinye isakhamuzi uNkosazana Nobuhle Mpofu ekhuluma loMthunywa uveze ukuthi balokhe bengela nkani ngalokhu abakubonayo ngoba phela amadoda la alamakhosikazi awo kodwa abhuqana kwabancane indawo baze batshisela itshamali yawo endlini.
“Ngidaniswa yikuthi uMaDube ubekhombe lomfowabo womkakhe ngoba umkakhe useGoli okunguye otshwaywe wabaleka wasala esetshiselwa endlini.
“Okudanisa kakhulu yikuthi impahla zakhe zihle zaba ngumlotha njalo laye ubangwa lezibi esibhedlela khathesi,” kutsho uNksn Mpofu.
UMthunywa uxhumane loNomathemba Dlamini okhulume emele umdeni yena oveze ubumunyu lokudana ngehlazo elenzakale emzini wakoDlamini.
“Kuyadanisa ukuthi abantu batshabalalise impahla zomuntu ongekhoyo ngobufebe babo, kungani bengaqedelananga bodwa.
Sithithibele silapha ngoba asikwazi ukuthi okulandelayo kuyini nanko phela umetheswacala laye wahle wanyamalala eqeda kwenza isiga sakhe leso,” kutsho Nkszn Dlamini.
Imizamo yokukhulumisana lomele isikhulumi samapholisa esabelweni seMatabeleland North, uSergeant Namatirai Mashona yehlule nanko phela kusukela ngoMvulo ubengekho ehofisini.
Online Reporter