Online Reporter
Muchaneta Chimuka
HARAHWA ine makore 70 okuberekwa yekuzama kubata chibharo mwanasikana weroja rayo ane makore 15 okuzvarwa kuChitungwiza yozvidemba zvichitevera kutongerwa kwayakaitwa kugara mujeri kwemakore matatu azere.
Lovemore Chauruka akatanga atongerwa makore matanhatu nemutongi wedare rekuChitungwiza, Mai Learnmore Mapiye, ndokuzobvisirwa makore matatu pachirango ichi nechitsidzo chokuti haafanirwi kupara imwe mhosva yorudzi urwu makore mashanu asati apfuura.
Chauruka ndiye muridzi wemba inoroja amai vemumhan’ari.
Akaramba mhosva yaaipomerwa asi umboo hwaivepo ndihwo hwakamuroverera.
Mukumupa mutongo, dare rakatarisa zera rake uye nyaya yokuti murwere, zvinova zvaakapira dare sezvichemo zvokuti ange achinzwirwa tsitsi.
Muchuchisi Shamiso Charmaine Mwapangira akaudza dare kuti nomusi wa27 Nyamavhuvhu gore rino, pane imwe imba iri kuZengeza, Chauruka akaedza kubata chibharo mwana uyu asi akazokundikana.
Izvi zvakaitika nenguva dza11pm apo mumhan’ari ainge akarara pamwe chete nemuzukuru wemusungwa, uyo ane makore 13 okuberekwa.
Vainge vakafuga magumbeze mamwe chete vari muimba yekubikira.
Chauruka akasvikovafugura magumbeze, kwave kutanga kubata-bata makumbo emumhan’ari.
Mumhan’ari paakabvunza kuti sei aidaro, akamupa US$5, ndokukumbira kushinha naye, izvo akaramba.
Zvisinei, Chauruka akaedza kuzvimanikidzira pamwana uyu asi zvaaida zvakakundikana. Musikana akakurumidza kumutsa muzukuru waChauruka, uyo akabva aonawo mashura ainge oda kuitika.
Muzukuru uyu akabvunza Chauruka kuti sei ainge ari mumagumbeze avo, achibva anyepa kuti aida kutarisa mumhan’
