Online Reporter
Nkosilathi Sibanda
LABO abafuna ukubukela umdlalo ozabe uphakathi kweHighlanders leDynamos kumele bathenge amatikitiki ebulenjini ngokutsho kwePremier Soccer League.
Lokhu kuzabe kungokokuqala kulinkundla elodumo kumdlalo wenguqu kuleli.
Uhlelo olutsha lolu lukhangelelwe ukuletha inguquko endleleni abalandeli abathenga ngayo amatikitiki, kuphinde kuqede ukuhlupheka kokuma phandle kwamagedi.
Umdlalo weBosso leDeMbare, owaziwa kakhulu ngokuthi yi-Battle of Zimbabwe, ungomunye wemidlalo emikhulu njalo odonsa inengi labalandeli elizweni.
IHighlanders, ehlezi kunombolo yesikhombisa ku-logu ilemiklomelo engu-28 ngemva kwemidlalo engu-18, izangena emdlalweni ifuna ukweqa isitha sayo sakudala. IDynamos yona, esendaweni yesithupha ilemiklomelo engu-29 njalo ilomdlalo owodwa esandleni, layo ifuna ukuqhubeka isondela phezulu kwetafula.
Abalandeli bebhola bakwamukele ngenjabulo ukuthengiswa kwamatikiti ku-intanethi, bebika ukuba kuyinto osekuyisikhathi eside ilindelwe.
Abanye bathe indlela le izanceda ngitsho labalandeli abahlala kwamanye amazwe ukuthi bahlele ukuza ekhaya besazi ukuthi bangathenga amatikiti kulesikhathi.
Abaphathi bakhangelele ukuthi ukuthengiswa kwamatikiti ku-intanethi kuzakwehlisa ukuminyana emagedini enkundla njalo kuthuthukise ukuhamba kuhle kwezinto ngosuku lomdlalo.
Ukwethulwa kwaloluhlelo kungaba yisibonelo esizalandelwa kweminye imidlalo emikhulu yeCastle Lager Premier Soccer League.
