I-Mapressa Glam Fashion Show iza koNtuthu

Detective Nyawo from Uzalo (left) and fashion designer Lady N (right) pose for a photo with Brian Sibanda and Nobuhle Ndlovu who were crowned Mr Mapressa Glam 2025 and Miss Mapressa Glam 2025 Nobuhle Ndlovu respectively

Ethel Ncube

AKUBIZWA ozwayo e-Impala Conference Centre eduzane leDelta Beverages koBulawayo kunyanga kaMpandula, lapho okuzenzelwa khona umcimbi obizwa ngokuthi yiMapressa Glam 1st Summer Edition.

Abahleli bomcimbi bakhuthaza ukuba abantu abazaphatheka kumcimbi lo kube ngabantu abasuka emaphandleni, endaweni ezibalisela iNkayi, Tsholotsho, Binga, Lupane lezinye indawo.

Intatheli ixhumane lomnikazi womcimbi uMapressa obike ukuba abantu bacele ukuba umcimbi lo uze ekhaya.
“Abantu bakithi bacele ukuba senze umcimbi lo ekhaya ngoba sebebone ubuhle bawo siwenzela eSouth Africa. Sikubone kufanele ukuba siwulethe ngapha ukuze abantu bakithi labo bazobona umsebenzi omuhle esiwenzayo,” kubika uMapressa

Uqhubekele phambili eveza ukuba abazathatha indondo bazathola izipho ezimangalisayo.
“Siyalinxusa lonke ezindaweni ezitshiyeneyo ukuba libuye kumcimbi lo owe-fashion show. “Abangakathungisi impahla abaqale khathesi ukulungiselela, bathungise impahla abazangena ngazo kumncintiswano lo.

“Abazanqoba kuMapressa Glam 1st Edition koBulawayo bazathola izipho. Ngiyalinxusa bantu bakithi into le ngeyenu asiyisekeleni size ngobunengi bethu.

“Umcimbi lo uhlose ukukhetha abazakube begqoke kuhle ukwedlula abanye. Mhlalokhu kuzakuba kugqokwe amasudu lezigqoko ezimangalisayo. Wonke ozayo uyabe egqoke waphelela, kungakho ngithanda ukunxusa abantu bakithi ukuthi baze ngobunengi babo bazozijabulela lathi,” kuphetha uMapressa.