admin
YiNtatheli kaMthunywa
UKULIMALA kwabadlali bakudala beKaizer Chiefs abaphinde babe ngumgogodla eqenjini lesizwe seZimbabwe kubukeka kuzothambisela iBafana Bafana mhla zidibana kumidlalo yenkezo yoMhlaba enkundleni yeFNB Stadium, eSoweto.
Umdlalo ka-Group G lo, ozadlalwa mhlaka 11 Lwezi, awusatsho lutho kumaWarriors (angeke esaphumelela ukuya kunkezo yoMhlaba eQatar) kodwa umqoka ngendlela emangalisayo kuBafana efisa ukuqeda isesiqongweni leGhana.
Imbiko ephuma kuqula leZimbabwe itshengisa ukuthi umqeqetshi wamaWarriors uNorman Mapeza useqede konke ngeqembu elizadlala leBafana le-Ethiopia.
Lokhu kungoba kulabadlali abanengi abatshiywe phandle nguMapeza ngoba kuthiwa balimele.
Kulabo badlali kuloKnowledge Musona loTeenage Hadebe. Bobabili bazakhela udumo kuChiefs ngaphambi kokuthola amadlelo aluhlaza phetsheya kolwandle.
Omunye umdlali omqoka futhi owaziwayo kuleli okubanjwe umoya ngaye nguMarshall Munetsi osedlala eFrance kodwa wazakhela ibizo ku-Orlando Pirates.
UWashington Arubi loTalbert Shumba labo batshiywe ngaphandle eqenjini.
Indawo zabo zizathathwa nguPetros Mhari loDonovan Bernard. Uzabe ekhona kuleliqembu uMartin Mapisa odlala eSpain lomgadli uMacauley Bonne laye ubiziwe.
Kusenjalo, umqeqetshi weBafana, uHugo Broos useyimemezele eyakhe ithimu. IBafana ifuna ukunqoba yomibili imidlalo eseleyo.
Online Reporter