Online Reporter
Fungai Muderere
IQEMBU leBulawayo Chiefs selethule ngokusemthethweni unozinti uWallace Magalane, njengomdlali walo omutsha ngenhloso yokuqinisa indawo yokuvimba amabhola njengoba isizini yeCastle Lager Premier Soccer League (PSL) isingene esigabeni esibalulekileyo.
Amakhosi Amahle amemezele ukufika kukaMagalane emakhasini awo asemthethweni enkundleni zokuxhumana, lapho okukhangelelwe ukuthi alethe ukuncintisana lokuqinisa indawo kanozinti ngesikhathi iqembu lizama ukuthuthukisa impumela yalo emidlalweni eseleyo yesizini.
Ukufika kwakhe kuza ngesikhathi esiqakathekileyo njengoba iChiefs ifuna ukuvuka emuva kokunqotshwa emidlalweni emibili ilandelana, okugoqela ukwehlulwa nge 0-1 yiFC Platinum ngeviki lesi 23 kuPSL.
UMagalane, osanda kwehlukana leCAPS United kumaviki ambalwa adluleyo, ungena iqenjini ngaphambi komdlalo onzima waphakathi kweviki lapho iChiefs ezadibana khona labakhokhela ingalane, iScottland FC, eRufaro Stadium.
Ukufika kukanozinti lo kuqinisa ukuvimba kweChiefs njengoba iqembu lizama ukukhuphuka engalaneni yePSL njalo liqede isizini ngendlela enhle.
