Online Reporter
Zimpapers Sports Hub
I-Highlanders ihlulukelwe lapho inqotshwa okwesine kulisizini kumdlalo leSimba Bhora ngeSonto.
Iqembu leli lizangema umango liqonde ezintabeni zeMutare isiyadlala leManica Diamonds enkundleni yeSakubva lamuhla emini.
Umdlalo uqala ngehola lesithathu emini.
Womabili amaqembu ahlezi phakathi laphakathi kwengalane yeCastle Lager Premiership. Iqembu leManica Diamonds lihlezi endaweni yesitshiya galombili njalo selinqobe imidlalo emine, ladlala ngokulingana eyisitshiya galombili, lanqotshwa kwemithathu, kuthi iHighlanders ikunombolo yetshumi engayijwayelanga, njalo isilemiklomelo elitshumi lasitshiya galombili, emidlalweni elitshumi lanhlanu.
Ngaphambi komdlalo lo, iHighlanders eqeqetshwa nguKevin Kaindu isidlale ngokulingana eyisikhombisa yanqotshwa emine.
Amaqembu womabili ahlukaniswe ngomklomelo owodwa nje.
Kuminyaka edluleyo, iHighlanders, njengamanye amaqembu amakhulu iCAPS United leDynamos, ibona inani labalandeli bayo ababukela imidlalo bencipha ikakhulu kumidlalo yaphakathi kweviki.
Lokhu kudalwa yindlela edlala ngayo, engathabisiyo.
Imidlalo yeCastle Lager Premiership ngeviki lesi-16.
NgoLwesithathu: TelOne v ZPC Kariba (Ascot Stadium); Herentals College v FC Platinum (Rufaro Stadium); Simba Bhora v Bikita Minerals (Wadzanai Stadium; Manica Diamonds v Highlanders (Sakubva Stadium); Chicken Inn v Ngezi Platinum (Luveve Stadium); GreenFuel v Scottland (GreenFuel Arena)
NgoLwesine: Dynamos v Yadah FC (Rufaro Stadium); MWOS v CAPS United (Ngoni Stadium); Kwekwe United v Triangle United FC (Bata Stadium)
