adminKULENDODA esuka elizweni leSouth Africa esigabeni seTwatwa eKurhuleni eleminyaka yokuzalwa engamatshumi amathathu lambili (32) egwazwe yafa endlini kamakhwapheni.
Kuzwakele ukuthi ngesikhathi uMmuzi Nkosi ebulawa umkakhe osahlala elesizungu ubelele yedwa zwi emzini wabo.
Kubikwa ngesikhathi izihlobo zimthatha zimusa lapho okufele khona umnyeni wakhe wehlulekile ukuzibamba waqhinqa isililo esimangalisayo.
Omakhelwane bakamakhwapheni baveze ukuthi basolela umakhwapheni lo ukuthi ulesandla ekubulaweni kukaMmuzi.
“Siyamazi umama lo. Kuyini okumenze wangahlabi umkhosi ngesikhathi ukuze athole usizo kithi,” kubuza omunye wezakhamizi.
UNkosazana Sibongile uthe umakhwapheni lo nguye obulalise umkakhe.
UXolile Khubeka, oyisihlobo uthe: “asazi ukuthi sizayithatha ngaphi imali yokukhulisa abantwana laba njengoba uyise esetshonile.”
Umakhwapheni lo uThabile Motha oleminyaka yokuzalwa engamatshumi amane uchaze ukuthi yena ubengeke abulalise uMmuzi ngoba ubemthanda.
“UMmuzi ubejwayele ukungivakatshela njalo umkakhe bengimazi. Ngike ngazithwala isisu sakhe noma nje umntwana wasuka wedlula ngemva kwenyanga ezintathu.
“Umuntu owambulalayo ngifuna abotshwe. Indlela abantu abangikhomba ngeminwe ukuthi yimi engambulalisa isithandwa sami angiyithandi. Bengingeke ngabulala uMmuzi ngoba bengimthanda.”
Kukhanya uyakwazi ukuthi ngubani umbulali lo njalo ubesewabikele amapholisa mayelana lokubulawa kukaMmuzi.
Amapholisa eTwatwa aphezulu kokuchwayisisa udaba lolu. — Ubulembu
Online Reporter