Online Reporter
Fungai Muderere
IQEMBU leGo Boyz libe yintshantshu kumqhudelwano weminyaka yonke oweFustal Five-A-Aside Heroes Day ngemva kokuthela othulini Amabhubesi nge 2-0 emdlalweni ngoLwesibili.
Kuhlohle ukaputeni uDaniel Matambudzo loThabani Mlilo.
Umqeqetshi weqembu uMichael Gumede wethule ukuba ujabule kakhulu ngokudlala kwabafana bakhe.
“Kuyajabulisa lokhu. Badlale kuhle abafana. Kasiqalisi ukwenza lokhu. Sizintshantshu zenkezo kazibuse, ngakho sizafuna ukuthwala ezinengi.
Ukuze bafike emdlalweni wokucina, iGo Boyz inqobe iSobukhazi 2-0. Amabhubesi anqoba iTNS FC 2-1.
Amanye amaqembu akade ekhona yiCowdray Park FC, Mictech leSouth Wonder.
IFox FC leNedbank zehluleke ukuba khona.
Umgcinisihlalo we Fustal Five-A-Aside uPhilani Banda uthe bafuna ukuthi umdlalo wabo usabalale.
“Sijabule kakhulu ngezinga lomqhudelwano otshengiswe kulumncintiswano. Ngomnyaka ozayo kumele umdlalo lo ukhule, ugcwale ebantwini.”
