admin
KUKHANGELELWE ukuba livele emthethwandaba kamansthi weMlazi, eThekwini maduze ipholisa leziMpisini, eNgonyameni, elibotshwe ngoLwesine ngemva kokuba amalunga omdeni walo elifice lihleli lesidumbu sentombi yalo endlini, silamanxeba okugwazwa entanyeni.
Intatheli ithole ukuthi besekuphele izinsuku ezimbili leli pholisa esingeke siliveze igama lize livele enkantolo lihleli lesidumbu sika-Nkosazana Zama Cele (25), owaphuma ngakibo ngoLwesibili olwedluleyo ethi uya bona isoka lakhe.
UMnumzana Simphiwe Mbili ongumalume kamufi, ubikele intatheli ukuthi umzukulu wakhe waphuma phambi kwakhe ngezikhathi zabo -15h00 ngoLwesibili, wamtshela ukuthi ubizwe lisoka lakhe, bayotshaya obhiya ababili.
“Saze sayolala engakaphenduki. Langosuku olulandelayo akabuyanga kwaze kwafika umlayezo ngoLwesine ebusuku ukuthi kutholakale isidumbu sakhe endlini yesoka,” kutsho uMnu Mbili.
Uthi batshelwa nguyise kamsolwa ukuthi indodana yakhe yaficwa yingane yayo encane ihleli endlini lesidumbu, idakwe ingazazi legama layo. Uthi ingane yahamba yayobikela uyisemkhulu ongapholisanga maseko, waphuthuma esiteshini samapholisa wayabika lumhlola.
Ngesikhathi eyobika emapholiseni, kuthiwa umsolwa waphuma endlini watshiya isidumbu, wayanatha kubomakhelwane.
Ngesikhathi sekufike amapholisa, kuthiwa kazange abaleke, wabuyela ngakibo wawalandisela ngokwenzakeleyo phakathi kwakhe loNkzsn Cele, okwenza wacina emgwazile.
UMnu Mbili uthi umsolwa wabatshela ukuthi ngesikhathi behleli bephuza ngoLwesibili, umufi wadonsa ingqamu ezama ukumgwaza, kodwa wehluleka, kwacina kugwazeke yena.
“Sikhathazekile kakhulu njengomdeni ngendlela umzukulu wami abulawe ngayo. Okusenza sibelemibuzo eminengi ngokubulawa kwakhe, yikuthi kungani umsolwa uhlale lesidumbu izinsuku ezimbili endlini engabikeli muntu?
“Sithole ukuthi ubephuma ngoba esiyithenga utshwala abuyele endlini ahlale lesidumbu. Siyafisa ukuthi umthetho usebenze, ajeze ngo-buhlungu asizwise bona njengomdeni,” kutsho uMnu Mbili.
Kutholakale njalo ukuthi umsolwa ubesebenzela esiteshini seV, eMlazi – esidume ngokuthi kuseGG – ubesaziwa ngokuba liphoyisa elingaziphathanga.
Kuthiwa abaphathi bakhe bese-bemphuce ngitsho isibhamu somsebenzi ngenxa yokuphuza ngokweqileyo.
Okhulumela amapholisa eKwaZuluaa-Natal, uColonel Thembeka Mbhele, uthe kuvulwe icala lokubulala, umsolwa ubotshiwe, kulindeleke ukuba avele enkantolo maduze.-Ilanga
Online Reporter