admin
Nkosilathi Sibanda
IQEMBU lamaMighty Warriors lizaqala umkhankaso walo we-Africa Women’s Cup of Nations lamuhla ngehola lesithathu emini.
Iqembu lesizwe labesifazane lidibana leSwatini eNational Sports Stadium, eHarare emdlalweni wakuqala walumkhankaso.
Phakathi kwamaqembu la, iZimbabwe ihlala inqoba izitha zayo kodwa umqeqetshi uSithethelelwe “Kwinji 15” Sibanda uxwayise abadlali bakhe ukuthi bangazethembi okwedlulisileyo.
Kumbiko walumqeqetshi kumbuthano abelawo lentatheli ngoLwesibili eHarare, uthe uyazi mhlophe ukuqina kwabadlali bakhe kodwa kafuni ukuthi bazikhukhumeze, okungadala ukuthi bayangeke sebenqotshiwe.
“Siyake sidlale labo, sikwazi ukubatshaya, kodwa balamandla labo. Ngakho-ke siyakulumdlalo, silomqondo lo. Sibalungiselele,” kutsho umqeqetshi.
Umqeqetshi lo uzakhetha iqembu lakhe etshiya abadlali ababalisa uRutendo Makore owalimala kumidlalo yomqhudelwano weCosafa. Abanye abangekho nguMavis Chirandu loTalent Mungwanda abacele ikhefu.
Online Reporter