Ubamba umzukulu okuGrade 2 iganyavu azibulale

Narrating her story, the woman said the officer had given her a dollar to buy food while she was sitting in the charge office. “When I denied his sexual advances, the police officer wrestled with me arguing that I had to return his one dollar.He took advantage of the fact that I had disclosed that I had no other money for transport to return to Madziva.”

Thokozile Mbedzi
KULENDODA eleminyaka yokuzalwa engu-67 etshiye izakhamizi zesigabeni seKamera eMasvingo kuviki ephelileyo zibambe owangaphansi kulandela ukubamba umzukulu wayo okuGrade 2 iganyavu qede izibophele, uMthunywa ukuzwile lokhu.

Indoda le igama siligodlile ngenhloso yokuvikela umamangala kubikwa uthe eqeda ukweza ihlazo leli wazibophela.

Ekhuluma lentatheli kaMthunywa uMnumzana Mbongeni Mthembo uthe isenzo sendoda le siyimfundiso embi esigabeni.

“Isenzo sikababa lo sibi kakhulu ngoba uthe eqeda ukubamba umzukulu wakhe iganyavu wahle wayazibophela esesaba ukubotshwa.

“Undoda lo wasuka ngekhaya esenze ihlazo leli wangena iganga wafonela unkosikazi wakhe oleminyaka engu-61 ukuthi abuye ezomthatha egangeni ngoba indlela eya ekhaya kasayiboni.

“Unkosikazi wakhe wahamba kodwa wamdinga wamswela wasebuyela ngelanga elilandelayo esehamba lezinye izakhamizi lapho abamthola eselenga esihlahleni,” kulandisa uMnu Mthembo.

Isikhulumi samapholisa esabelweni seMasvingo ulnspector Kudakwashe Dewa ebuzwa ngodaba lolu uthe bachwayisisa udaba lwendoda eleminyaka engu-69 ezibopheleyo.

“Udaba lwendoda ezibopheleyo sisaluphenyisasa,” kuphetha uInsp Dewa.