Online Reporter
Lesi sitsho khonokho kuphela, hatshi okunye. Laso sisebenza njengo –nke njalo laso sibambana lesiqalo sesabizwana soqobo ukwakha isabizwana senani.
Simi kanje ngaphansi kwezihloko ezilandelayo: isigaba, isiqalo sesabizwana soqobo, isiqu sesabizwana senani.
Lokhu kusinika isabizwana senani: 1 ye- +-dwa > yedwa. Isigaba 4 yo- + isiqu senani –dwa >isabizwana senani > yodwa; Isigaba 11, isabizwana soqobo lo- +-dwa > lodwa.
-bili, thathu, -ne, hlanu. Lezi ziqu zimele ubunengi kuphela. Izigaba 8, 10 zingasetshenziswa izabizwana zenana ezifinyeziweyo. Izibonelo: Izinkwa zozimbili > zombili; Izinkomo zozine > zone; Izandla zozinhlanu > zonhlanu.
Ukwakhiwa kwesabizwana senani usebenzisa isiqu sesithathu. Isiqalo sesabizwana soqobo + isivumelwano sesiphawulo + isiqu senani. Izibonelo: 2bo(na) + (a)ba + =bili > bobabili. Isigaba 4 yo(na)
+ (e)mi +-thathu >yomithathu.
Nanzelela ukuti okusesibayeni kuyakhutshwa.
Kambe sisetshenziswa njani isabizwana senani emutshweni? Okokuqala singandulela ibizo emutshweni:
Bonke abantu babiziwe emhlanganweni. Zontathu izikolo zinxusiwe.
Okwesibili singalandela ibizo emutshweni. Kutshontshwe izihlalo zodwa. Imizi yomibili itshisiwe.
Sizaqala lapha kuviki ezayo.
