Online Reporter
KUSEKUDE ukuthola ukuthula kowesifazane we-Effingham, eThekwini, nanko phela sokuphele iminyaka eyisithupha indodana yakhe yanyamalala ngendlela engaqondakaliyo.
UNtobeko Mhlongo (17) kuthiwa wanyamalala ngoMbimbitho 2020 eMatikwe, eNanda, yena lonina beye emgcagcweni wesihlobo salapho okugane khona udadewabo. UNtobeko wayefunda uGrade 9 eZeph Dhlomo KwaMashu ngenkathi enyamalala.
Unina, uNkosazana Gugu Mhlongo, elandisa uthe bafika kulindawo ngoNhlolanja 29, 2020, kuzoba lomtshado wesintu kamamazala kadadewabo ngakusasa.
Uthe ngesikhathi befika, uNtobeko, wajwayelana lezingane zabafana eziyisihlobo kulomuzi, belokhu besehla besenyuka.
Uthe ngemva kokuhamba kahle komtshado ntambama, sekuqoqwa, abanye sebehamba, uNtobeko weza kuye wazombuza ukuthi bona bazahamba sikhathi bani, wathi yena lowesilisa owayefike lomthimba uvela KwaMaphumulo, basaphelekezela umfana oyisihlobo, owayesehamba, esiya kibo KwaMashu.
“Abazange babuye masinyane, ngaze ngaphuma ngahamba lami ngiyogibela. Endleleni ngangizitshela ukuthi ngizohlangana laye sisale sesihamba, kodwa lokho akuzange kwenzekale njengoba ngingambonanga langokhalo,” kutsho uNkszn Mhlongo.
Uthe waqhubeka wayogibela, waze wayofika ekhaya, lakhona, wafika engekho. Uthe wabe esefonela udadewabo, embuza ukuthi akakabuyi yini uNtobeko, wavele wamphendula, wambhekisa le.
“Kwangimangaza kodwa ngaba lethemba lokuthi ingane yami izafika ekhaya noma inini kodwa ngaze ngayalala ingakafiki,” kutsho uNkszn Mhlongo, othe wavuka waya emsebenzini, waze wabuya ntambama, lakhona wathola ukuthi uNtobeko kakabuyi.
Uthe wabe esenikela esiteshini samapholisa eNanda ukuyobika umuntu ongabonakaliyo, amapholisa athi akehlise amaphaphu citshe ingane isazoqhamuka.
Uthe wabe esebuyela kodadewabo, eyobuzisisa ukuthi kwenzakaleni ngendodana yakhe.
“Ngabuza umfana wakoMaphumulo ukuthi ingane yami iphelelephi, wathi ngesikhathi bephelekezela umfana weKwaMashu, uNtobeko ubone lapho obekutshiswa khona inyama, waya khona, wafika wathuka umuntu ovele waphendula ngokumtshaya, wawa phansi, walahleka,” kutsho uNkszn Mhlongo.
Uthe akazanga noma owesilisa wakoMaphumulo wayeqala ngaleso sikhathi ukuxoxa ukuthi indodana yakhe yehlelwe yinkinga noma cha ngoba ngesikhathi efonela udadewabo izolo, ebuza ukuthi uNtobeko ungaphi, kazange ayiphathe eyokuthi uhlaselwe ngumuntu.
Uthe wabuyela emapholiseni ukuyabika ulwazi lwakamuva maqede kwavulwa icala. Uthe wahambela imitholampilo eyakhele iNanda, izibhedlela kanjalo lasemakhazeni, kodwa wabuya elambatha.
Uthe wacina esiya ngakibo komuntu okuthiwa indodana yakhe imthukile, wathola ukuthi umuntu owaziwayo endaweni, olesikhundla esithile emakomitini omphakathi.
“Ngambuza ukuthi kwenzakaleni enganeni yami, wavuma ukuthi imthukile, wayitshaya, yase ixhagwa ilo mfana waKwaMaphumulo, bahamba, ngesikhathi yena ephelezela owaKwaMashu eyogibela. Ngaxakwa izinto ezinengi ngoba owaKwaMaphumulo akazange ayixoxe eyokuthi yena waxhaga ingane yami, wahamba layo. Futhi ngaphinde ngazibuza ukuthi wayesephelezela umfana waKwaMashu nje base bazanaphi,” kusho uNksz Mhlongo.
Uthe lo wesilisa waphuma wathi usayobiza abafakazi ebebekhona ngesikhathi ethukwa uNtokozo, waze waveza lokuthi ubedakiwe, engakwazi ukuzihambela. Uthe wabuya lowesilisa oyedwa owafika wafakaza okufanayo.
Uthe okwamxaka yikuthi bese eyatshintsha, ethi akazange atshaywe muntu, wathi ukuba ukhona oke wamtshaya, bekuzokhulunywa ukuthi ufile.
“Ngacina ngingazi ukuthi icala liphelelaphi njengoba ngigcine sengibuyela emapholiseni ngoNkwenkwezi 23 lonyaka ngiyobuza ngenqubekela phambili yalo, ngatshelwa ukuthi alisabonakali icala elidala, kwathiwa angivule elitsha,” kutsho uNkszn Mhlongo.
Uthe usabufuna ubulungiswa ngendodana yakhe, wathi uyakholelwa ukuthi yenzakaliswa ngoba akekho umuntu okungathi utshayiwe, wawa, wase ephelela emoyeni.
“Ngifuna aphenywe lo owesilisa owathi wathukwa yingane yami, kubhekwe ukuthi akathinteki yini ekunyamalaleni kwayo ngendlela engaqondakaliyo. Futhi ngifuna lalo wakoMaphumulo loweKwaMashu labo baphenywe ngoba yibo ababehamba lengane yami njengoba ingasatholakali ndawo,” utsho kanje.
Uthe ubudlelwano phakathi kwakhe lodadewabo balimala kakhulu kusukela ngaleso sikhathi njengoba abona sengathi uvikela lo owesilisa wasendaweni othi wathukwa, kanjalo lezihlobo zasemzini wakhe, ezazihamba loNtobeko. — Isolezwe
Bongani Ndlovu