Online Reporter
Nanzi ezinye izibonelo zenguquko yabondebembili besiba ngolwangeni ngaphansi kwezihloko, Ondebembili lo Olwangeni: m(insimu) >ny(insinyana), mb(imbambo) >nj(imbanjana), mp(impompi) > ntsh(impontshana).
Unkamisa wokucina webizo uyasuswa, indawo yakhe ithathwe yisijobelelo sesinciphiso u-ana. Izihloko zalokhu okulandelayo — Onsinini labo Olwangeni: d(dada) > (idajana), nd(iqanda) >nj(iqanjana), th(umuthi) > tsh(umutshana), i(kati) >tsh(ikatshana), nt(umkhonto)>ntsh(umkhntshwana), n(umkhono) >ny(umkhonywana).
Nanzelela ukuthi ondebembili kabangwaqazisi nxa besiba yizinciphiso noma ngabe amabizo akhona acina ngo o – kumbe –u.
Akhona amabizo alabondebezinyo f – lo – v elungeni lokucina. Wona kawangwaqazisi nkamisa wokucina angazabe ngu-o loba –u, kodwa amane amsuse lowo nkamisa wokucina abesejobelela isijobelelo sesinciphiso u-ana. Nanzi izibonelo: isifo >isifana –isif(o) +ana >isifana, isifu >isifana – isif(u) +ana >isifana, imvu > imvana-imv(u) +ana > imvana, inkovu >inkovana –inkov(u) +ana > inkovana.
Akhona amanye njalo amabizo alonsinini (l) elungeni lokucina. Loke uguquka abe ngunsinini – dl- anduba kususwe unkamisa wokucina kubuye kujotshelelwe isijobelelo sesinciphiso u-ana. Nanka amanye: umsila >umsidlana – umsil(a)>umsi + dl +ana> umsidlana.
U-l- uguquka abengunsini u-dl-, ikanti unkamisa wokucina uyasuswa kube sekujotshelelwa isijobelelo sesinciphiso u-ana.
