Online Reporter
IYINDABA egudwini emalungeni omphakathi weNdwedwe, ekamatshonisa okuthiwa udilize indlu yowesilisa wakule ndawo ngoba esehluleka ukubhadala isikwelede.
Isolezwe lithole ngomthombo walo osondelene laloludaba ukuthi uMnu Xolani Bhengu ongumatshonisa owaziwayo kule ndawo, udilize indlu kaMnumzana Bhubhu Nxumalo.
Akucaci kahle ukuthi yimalini uNxumalo abeyikweleda umatshonisa.
Okuvelayo yikuthi bese inengi nje impela. Kuvela ukuthi indlu ediliziwe ilamakamelo amathathu. Umthombo osondelene loNxumalo, ongeke uvezwe, uthe bese kuphele isikhathi eside ekweleda.
Okuyikhona obese kuyinkinga kakhulu umthombo uthe yikuthi ikhadi lasebhange likaNxumalo bese lihlala kumatshonisa.
Kuthiwa ngumatshonisa owaqhamuka lombono wokuthi ukuze kusheshe kuphele isikwelede, kungcono ikhadi lebhanga lihlale kuye kuze kube uyasiqeda.
UNxumalo kuthiwa wayengahambisani lalesi sinqumo, kodwa kungekho angakutsho njengoba umatshonisa echazwa njengondlovukayiphikiswa. Kuvela lokuthi utshonisela abantu baseNdwedwe kuphela hhayi abangaphandle kwayo.
Okunye okuvelayo yikuthi ulesikhathi eside enza lo msebenzi.
‘’Bekuthi njalo uma kuphela inyanga umatshonisa ahambe ayozikhiphela yena imali ekhadini likaNxumalo. Lokhu bese kuphele isikhathi eside kwenzeka. Kodwa uNxumalo ubehlezi ebalisa ngale nto, ekhala ngokuthi akasayiboni into ayisebenzelayo,’’ utsho kanje.
Uthe okuwumnyombo wokudilizwa kwendlu yikuthi uNxumalo ulitshintshile ikhadi wenza elitsha.
“Kuthe uma kuphela inyanga engafici lutho ebhange, umatshonisa wadinwa waveva waqonda ngqo emzini kaNxumalo wafike wawudiliza,’’ utsho kanje.
Uthe lesi senzo sibe lonya ngoba ubezibambela imali kanti umtshiye engazi ukuthi uzothathani ahlanganise lani.
Ethintwa uBhengu uvumile ukuthi babe lokungaboni ngaso linye loNxumalo.
Uthe uNxumalo wayiboleka kuye imali yokuthenga indawo ngesikhathi ezoqala ukwakha eNdwedwe.
Uveze ukuthi akagcinanga lapho waphinde watsheleka lenye imali.
Ukuchithe njengamampunge ukuthi udilize indlu wathi yena ukhiphe uthayela.
“Kwathayela lowo wawuthengwe ngemali ayitsheleka kimi,” kutsho uBhengu.
Ngemva kwesikhatshana ube esebhoka ngolaka wathi intatheli mayiphume ezindabeni engaxhumene lazo futhi lolu daba ngeke alukhulume nayo.
Ube esevala ucingo engasavalelisanga.
Amapholisa aKwaZulu Natal kuze kwatshaya isikhathi sokushicilela engaphendulanga njengoba kuthiwa kulecala elivuliwe.
Laye uNxumalo ubetshayelwa ucingo kodwa lungabanjwa.
