Online Reporter
Lovemore Dube
IQEMBU leZimbabwe Saints lizaphindela kunkundla zeZifa Southern Region Division One ngemva kokuthatha indawo yeMakwika United.
Umgcinisihlalo weZimbabwe Saints u-Ishmael Kaguru uqinisekise lokhu ngoLwesibili, ebika ukuba sebelungiselela ukuba yingxenye kaDivision One.
“Ngiyathaba ukubika ukuthi sesilungisile udaba lwethu. Okwakhathesi silinde ukuthi sithumele incwadi kuZifa yokubhadala okufunekayo,” kutsho uKaguru.
Ngesizini edluleyo Saints yehluleka ukudlala ngoba ilesikwelede leZifa.
Kusenjalo olilunga leZimbabwe Saints uTawanda Ruzive kubikwa usephendukiswe eqenjini kulandela ukumiswa kwakhe.
“Kuhle ukuthi sesithole ukuzwisisana. Akula okungasehlula nxa sibambene njengeChikwata,” kutsho uRuzive.
Imidlalo yeZifa Southern Region Division One iqala kulimpelaviki.
