adminYiNtatheli kaMthunywa
KULANDELA ukuvulwa kwesizini yomdlalo wokugijima okwenziwe yinhlanganiso yeNational Athletics, izikolo lazo ziqale imncintiswano yemango emide lemfitshane ngeviki edluleyo.
Imncintiswano yokugijima iyaqhubeka ezikolo lamhlanje kuzabelo zonke.
Esigabeni seTsholotsho kubikwa kuzahlangana izikolo ze-zone esesidikidikini salindawo ezithi iTsholotsho High, iManqe, iNemane leZibungululu.
Nyakenye iTsholotsho yaba yintshantshu.
Ngemva kwalumbuthano kuzamele kukhethwe ithimu ezakuya hlangana lentshantshu zakwezinye iziqinti zeTsholotsho.
Iziqinti lezi zikhangelelwe ukuthi zidibane mhlaka 8 kusiya ku-9 Mbimbitho.
Imbiko ephuma kunhlanganiso yabaphathi bezikoloze-primary ithi izikolo zonke zizaphinda njalo ukuhlangana eBinga High sekudingwa ithimu yesabelo ngempelaviki yokucina kunyanga ezayo.
Esabelweni seMatabeleland South izikolo zidibana ngokufanayo.
Abagijimayo abaseprimary labo bayancintisana.
Ebikela uMthunywa ngalokho, umgcinisihlalo wabaphathi bama-primary kwezemidlalo uEnock Ncube uthe :
“Imidlalo yokugijima kuziqinti esiyibiza ngokuthi ngamaZonal Athletics sikhangelele ukuthi iqhutshwe mhlaka 24 Nhlolanja.
“Izigaba ngezigaba zizadibana mhlaka 3 kuMbimbitho. Izabelo zonke zelizwe kumele zihlangane mhlaka 16 kunyanga efanayo kuthi intshantshu zelizwe zibuthane ekupheleni kwenyanga mhlaka 28,” nguNcube lo.
Online Reporter