admin
APO mutambo mukuru waFloyd Mayweather naConor McGregor uri kuswedera pedyo, Stipe Miocic obuda pachena kuti anoda kurwa nemutambi wetsiva mukuru pasi rese.
Mutambi wemuboka reheavyweight, Miocic, anoti Anthony Joshua uyo anove shasha yetsiva ine mabhande eIBF neWBA anogona kumuzvambaradza.
Joshua akanyoresa zita rake munhoroondo yetsiva zvichitevera kurakasha kwaakaita Wladimir Klitschko mwedzi wadarika.
Miocic, akwanisa kuhwina mitambo 16 kubva pa18 yaakwikwidza yeUFC uye ane mutambo waakakwikwidza naJunior Dos Santos mwedzi wadarika.
Akati anoda kurwa naJoshua kuti zvionekwe kuti nyanzvi ndiani pasi rese pakati pavo.
Shasha yeUFC iyi – iyo ine ruzivo rwetsiva zvichitevera kusvika kwaakamboita kumaquarter-fainari e2009 US Golden Gloves Tournament – akati ane chishuwo chikuru chekurwa naJoshua. “Kana mutambo uyu wakaitika wangu naJoshua unenge uri mukuru,” akadaro.
“Ndinofunga kuti ndinogona kushamisa vanhu vakawanda chaizvo, ndinofunga unenge uri mutambo wakapenga, ngatirwe! Munhu akanaka chaizvo, akasimba, ishasha nekugona kwaanoita. Ndinofunga kuti tinosvika kure mumutambo wedu.” – Sportsmail UFC.
Online Reporter