Online Reporter
UKHALELWE ngamasongo kaSigonyela umfundisi webandla leZayoni koNkonyane, eMahlongwa, eMkhomazi, ngemva kwesehlakalo sokutshona kowesilisa okuthiwa ubejola lonkosikazi wakhe, okuvela ukuthi umdubule ngesikhathi esemletha endlini ekuseni ngoLwesine ngeviki ephelileyo. Intatheli ifikele mathupha emzini kaMfundisi Bonginkosi Gumede, langamfici njengoba ebotshiwe, kodwa kukhona unkosikazi wakhe, okuthiwa usinde ngokulambisa ngesikhathi umyeni wakhe edubula “itshamali” ebemlethe endlini ekuseni.
Unkosikazi obekungavumi ngitsho ukuthi akhulume, uthe kukhona acela ukubafonela, abuze kibo ukuthi angakhuluma yini ngaloludaba ngaphambi kokuba akhulume lentatheli. Ngemva kocingo, uthe ubekhuluma lommeli, othe angakhulumi lutho engekho.
“Ngenxa yokuthi ummeli uyenqaba ukuthi ngikhulume, okungcono buyani esekhona. Akukho engingakukhuluma khathesi. Kwabezindaba, akekho oseke wafika kimi ukuzongibuza ngaloludaba, wena ungowokuqala, kodwa noma kunjalo, ngeke ngikwazi ukukhuluma.
“Ngeke ngikunike lenombolo zocingo lwami ngoba kulezinsuku angiziphenduli izingcingo zabantu, ngitsho ngibona i-missed call, kangibuyeli kuyo. Lolwakho ucingo ngeke ngiluthathe ngoba akukho engizokufonelela khona, futhi ngihlonipha lobaba walapha ekhaya,” kutsho uNkkz Gumede.
Ukuqinisekisile ukuthi yikho koGumede la okwenzekale khona isehlakalo sokutshona kowesilisa. Yize ebekhuluma uNkkz Gumede, ubebonakala ukuthi ukhathazekile, futhi ubebukeka engumuntu obekade ekhala, ekhulumela phansi.
Emzini wakhe bekukhiyiwe emnyango, yena engaphakathi yize bekusemini. Intatheli zingenisane lendodakazi yakhe, efike yacela ikhiye ukuthi ivulelwe emnyango.
Umufi kuthiwa nguMnu Lungisani Mzimela wakulindawo, futhi ubesaziwa ngokuthi uthutha izingane zesikolo ngemota yakhe, le okuthiwa utshonele kuyo edutshulwa, ngesikhathi esehambise uNkosikazi Gumede kwakhe.
Ngokuthola kwentatheli, uMfundisi Gumede ungumtshayeli wama ambulensi eScottburgh, kanti inkosikazi edume ngomamamfundisi endaweni, ingumongikazi esibhedlela seGJ Crookes, khona eScottburgh. , udaba lokutshona kukaMzimela “ngokudutshulwa nguGumede” luyaziwa, kodwa bonke abantu basamangele ngoba abakoGumede baziwa bengabantu abazithobile. Ulandisela intatheli umthombo, uthe bathole ukuthi uGumede sekulesikhathi wathola ukuthi unkosikazi wakhe uyajola.
“Into esizwe kuthiwa uyenzile, yikufaka ama-camera emzini wakhe unkosikazi engazi, wase e-hacker umakhalekhukhwini wayo ukuze abone konke akwenzayo. Ngelanga okudutshulwe ngalo uMzimela, uGumede ukwazile ukubona kuselula yakhe esemsebenzini kungena imota kaMzimela, ithatha unkosikazi wakhe wahamba layo ubusuku bonke.
“Ubuye wazocutha eduze komuzi wakhe, wafonela lamapholisa, ewazisa ukuthi kulemota esitshontshe unkosikazi wakhe, futhi uzosebenzisa isibhamu sakhe esisemthethweni uma eyithola. Uhlale eduze komuzi wakhe ubusuku bonke elindile, kanti ngempela uzotheleka uMzimela eselethe unkosikazi kaGumede, wafika wamthela othulini ngenhlamvu, unkosikazi waphuma emotweni, wabaleka,” kutsho umthombo.
Okhulumela amapholisa eKwaZulu-Natal, uColonel Robert Netshiunda, uthunyelelwe imibuzo ukuthi aphawule ngaloludaba, anikwe le-case number yalo, wacina engaphendulanga.
Uthunyelelwe i-email kwaze kwalandelelwa kabili, wathunyelwa lakuWhatsApp, lakho wangaphenduli.
Efonelwa, uthe uzaphendula, kodwa ucine engasalubambi ucingo, lemiyalezo eyifunda angaphenduli. —Ilanga
