Online Reporter
Nkosilathi Sibanda
OMUNYE wabafana abasakhulayo ku-tennis elizweni, uCourage Ndhlovu, ubonise ubungcitshi obuphezulu kuHarare Junior Open lapho afinyelele khona ku-final loba nje engazange aphumelele ukuthola izicoco.
Umqhudelwano lo uqhutshwe kusukela mhlaka 14 kusiya ku-17 Mabasa.
UNdhlovu ungene enkundleni waphakamisa izinga lakhe ngokudlala okuqinileyo kusukela ekuqaleni.
Kumdlalo we-final uhlangane loDevine Kaliofasi, kumdlalo ophele kuyi 6-1, 6-0.
Ekuhambeni kwakhe ku-kufinal, uNdhlovu uqale ngokudlula esigabeni sakuqala esehlula uTakudzwa Mupindanzanga nge 6-1, 6-2. Kwalandela ukunqoba uMukudzei Chisuro kuquarter-final nge 6-4, 6-2.
Ku-semi-final, uNdhlovu wenze kuhle kakhulu lapho esehlula khona owesibili ku-seeding, uAndipaishe Chinyemba nge 6-4, 6-4, wazitholela indawo ku-final.
Kumidlalo yababili, uNdhlovu ubedlala loMunenyasha Masunda, laba bobabili bafike kufinal kodwa behlulwa nge 10-6 nguKaliofasi loTawananyasha Shamuyarira.
Ukudlala kukaNdhlovu kuza ngesikhathi esihle njengoba esanda kuthola uxhaso oluvela kuRadiant Reflections Sport.
