admin
Ethel Ncube
IMULI yakoMoyo eNkulumane idinga ingane yayo eyasuka ngekhaya ngoMvulo yahamba akwaziwa lapho eyangena khona.
USarah Moyo oleminyaka yokuzalwa engu-11 uyadingwa ngabazali bakhe nanko phela uselamalanga amathathu engabonakali.
UMthunywa uxhumane loMnumzana Danny Moyo onguye ubaba womntwana oveze ukuba ukhathazekile ngomntanakhe ongabonakaliyo.
“Umntwana samthola engekho sivela emsebenzini wazisukela yedwa wahamba engatshelanga muntu ukuthi uyangaphi asikwazi ukuthi waqonda ngaphi silokhu simdinga asikamtholi sicela usizo kongabe embonile asazise. Sengidingile ebanganini, esikolo asimtholi.
“Sicela ongabe elolwazi kumbe embonile asithinte kunombolo lezi 0773511060 kumbe kulezi 0716020717 athintane loDanny kumbe amapholisa aseduzane laye ngoba sihambisile umbiko emapholiseni,” kuphetha uMnu Moyo.
Online Reporter