Kulomdlalo omkhulu koBulawayo: Chevrons v proteas

Abadlali beProteas egcekeni lendizamtshina koBulawayo

Brandon Moyo

INTSHANTSHU zomdlalo weTest Cricket emhlabeni, amaProteas aweSouth Africa kukhangelelwe ukuthi alethe umncintiswano onzima kuqembu lakuleli amaChevrons kusukela ngoMgqibelo, enkundleni yeQueens koBulawayo.

AmaProteas afike kuleli ngoLwesibili emini, elande ukuzodlala lamaChevrons kuhlandla leTest.
AmaProteas azintshantshu ze-ICC World Test Championship kulandela ukunqoba kwawo i-Australia eLords ngoNhlolanja lonyaka.

Afike kuleli eledlabuzane ngakho kukhangelelwe ukuthi ethule umdlalo omuhle.
AmaChevrons lawo alokuzethemba nanko avela dlala leNgilandi ku-Test, enkundleni yeTrent Bridge.

ISouth Africa izakhokhelwa ngukaputeni uKeshav Maharaj endaweni kaTemba Bavuma.
Umdlalo weTest wesibili phakathi kwamaqembu womabili uzadlalwa kusukela mhlaka 6 kusiya kumhlaka 10 Ntulikazi.

Umdlalo lo ubaluleke kakhulu ngoba uza ngemva kweminyaka eyisitshiya galolunye lokhe amazwe womabili acina ukuncintisana. Umdlalo wawo wokucina wadlalelwa eGqeberha okwamalanga amane. Kumdlalo weTest Cricket, zacina ukudlala zonke kuminyaka elitshumi lanye lapho amaProteas anqoba khona ngama-wicket ayisitshiya galolunye eHarare Sports Club.

Kumalungiselelo alumdlalo, amaChevrons aqale ukulolonga ngempelaviki edluleyo. Umqeqetshi, uJustin Sammons uthe uyasuthiseka ngamalungiselelo abo.

“Ngibona angathi abadlali bethu sebewulungiselele umdlalo. Siqale ukulungiselela ngoMgqibelo njalo sizaqhubeka phakathi kweviki.”