admin
Ethel Ncube
ZITHITHIBELE izakhamizi zeJambezi eVictoria Falls kulandela ukutholakala kwezidumbu zamadoda amabili ezinqunu zindenda kuZambezi, esinye siqunywe inyawo ngoMgqibelo weviki ephelileyo.
Iphephandaba likazulu libikelwe ukuthi Kucatshangelwa ukuthi amadoda amabili la ngaweZambia njalo izidumbu zawo bezike zabonakala kodwa amapholisa ehluleka ukuzifinyelela, aze enelisa ukuzithola ngempelaviki.
Intatheli ixhumane lesinye isakhamuzi seJambezi uMnumzana Peter Chuma obike ukuthi babethiya inhlanzi ngesikhathi bebona izidumbu lezi zindenda emanzini.
“Sasithiya inhlanzi mhlaka 14 Nhlolanja sabona amadoda amabili endenda phezulu sagijima sayabikela amapholisa. Am apholisa afika sibili kodwa ehluleka ukukhipha izidumbu emanzini. Baze benelisa ukuzikhipha ngempelaviki njalo sizwe kuthikwa kucatshangelwa ukuhi yizizalwane zeZambia,” kubika uMnu Chuma.
Uqhubekele phambili echaza ukuthi amadoda la atholakala enqunu njalo esinye isidumbu besingelanyawo.
“izidubu lezi bezinqunu ngesikhathi zitholakala njalo esinye sakhona besingelanyawo zombili,” kubika uMnu Chuma.
Ekhuluma lentatheli omunye wezakhamizi uMnumzana Melusi Ndlovu uveze ukuba ababili laba bakhutshwe ngamapholisa njalo kusadingisiswa ukuba babulewe yini?
“Izidumbu zabo zakhutshwa ngamapholisa kodwa ukuthi kwahamba njani akiula okwaziyo. Esikujzwileyo yikuthi kungabe kulomsolwa oyedwa osebotshiwe. Abanye bacabangela ukuthi laba abangasekho bekungabazingela ngokungekho emthethweni,” kutsho uMnu Ndlovu”
Intatheli ixhumane lomunye wamapholisa owale ukuveza igama lakhe esesabela umsebenzi wakhe obike ukuba kuliqiniso ukuthi kulamadoda atholakala efile.
“Ababili laba batholakala ngoMgqibelo emfuleni uZambezi befile amabizo abo awakatholakali ngoba udaba lolu lusachwayisiswa kodwa ngabeZambia, eLusaka ezinye izihlobo zike zafika zasezibuyela ukuze ziyethola incwadi ezeneleyo ezokuthi zithathe izidumbu,” kubika ipholisa.
Imizamo yokuxhumana lesikhulumi seMatabeleland North uInspector Siphiwe Makonese yehlulengoba kuthiwa kakho ewofisini.
Online Reporter