admin
KULINDELEKE ukuthi bazimemezele ngokusemthethweni maduzane izindaba zokuphela komdlalo u-The Queen, abeMultichoice leMzansi Magic.
Lokhu kulandela umsindo osuke enkundleni yokuxhumana iTwitter, njengoba intatheli ezimeleyo uPhil Mphela iveze izindaba zokuthi uBrenda Ngxoli loVuyo Ngcukana, kuphelile ngabo kulumdlalo.
UBrenda kuvele ukuthi utshiye lumdlalo engajabuli ngemali, lokuyinto ayiphikileyo wathi ingamanga.
UVuyo Ngcukana odlala indawo kaSchumacher, kuvele izindaba zokuthi uxotshiwe njengoba kukhona udaba oluthinta umdlalo okhonjiswa ku1 Magic, u-Entanglement, abaphathi bomdlalo i-The Queen abangahambisananga ngalo.
Umthombo weSolezwe ongatshayi eceleni wangaphakathi, lawo ukuqinisekisile ukuthi kuyaphela nge-The Queen ngemva kweminyaka eyisikhombisa yonke idlala kuMzansi Magic.
“Iqiniso yikuthi kuyaphela nge-The Queen, vele ngeke baze bavume manje njengoba izinto ezinengi ezithinta wona zingakalungisiwa. Kukhona abantu abasondelane lalo umdlalo okumele batshelwe ukuthi ngeke isavuselelwa ikhontileka entsha, kungakho benza sengathi konke okutshiwoyo ngamanga. Lesiteshi ngokunjalo ngeke size siphendule lutho ngokuthinta umdlalo, njengoba uPhil ephangise wabhoboza ithumba,” kuchaza umthombo.
Uveze ukuthi okwamanje abeMzansi Magic bamatasa benza amalungiselelo okuqhubeka lomdlalo Umkhokha.
“Noma ngingazi kahle kodwa kungenzeka kube yiwo ovala isikhala se-The Queen, okunengi kuzovela emasontweni azayo,” kuchaza umthombo.
U-Irvin Pooe weMzansi Magic, uthe isiteshi sizokhipha isitatimende ngaloludaba.
Kuvela lezi zindaba nje, lumdlalo vele bese kulesikhathi abantu bethi awuvalwe ngoba abantu abanengi abasawuthakazeleli.
Izibalo zawo zakamuva besezikubeka kucace ukuthi abantu abasawubukeli njengakuqala. Ekuqaleni komnyaka odluleyo, ububambe indawo yesibili ngababukeli abangu-1 131 341.
Kodwa ngoMpalakazi ubusahleli kuyona indawo yesibili ngababukeli abangu-973 980.
Lonyaka uthe uqala, ababukeli bawo babuyile njengoba ububukwa ngabantu abangu-1 069 713.
Indodakazi kaConnie Ferguson, uLesedi Motsunyane esethimbeni elihlanganisa lumdlalo, iziphikile lezi zindaba yathi okwenziwe uPhil kubalingisi lasenkampanini eqopha umdlalo kubuhlungu njengoba kungamanga. – Isolezwe
Online Reporter