Online Reporter
Isidumbu sowesilisa osolwa ngokubulala intombi yakhe sitholwe endaweni yokulahla izibi silamanxeba okutshaywa lokutshiswa ebusweni.
Kusolwa ukuthi uKhanyi Ngcobo (39) ube lengxabano lesoka lakhe (30) elidabuka eLesotho lamtshaya waze watshona phambi kwengane yabo eleminyaka emihlanu endlini abekade beloja kuyo eDambuza, eMgungundlovu ngeSonto entathakusa.
Ingane ibe isihlaba umkhosi emva kokubona unina wayo engaphenduli nxa imvusa.
Kuthe ngemva kwamahola ambalwa, ngo – 9 ekuseni, isidumbu sesoka elaziwa ngokuthi u-Taunya sitholwe silamanxeba okutshaywa, sitshisiwe lasebusweni satshiywa endaweni yokulahla izibi kuMadlala Road okusolwa ukuthi isehlakalo sokubulawa kwalo wesilisa senziwe ngamanye amalunga omphakathi.
Elandisa i-Echo Eyethu, uMbali Ngcobo, uthe udadewabo ubehlukunyezwa isoka lakhe leminyaka emihlanu.
“Sivamise ukuzwa umsindo uma bexabana kwazise baloja eduze langekhaya. Kodwa ngosuku Iwesigameko asizwanga lutho,” kutsho yena.
“Ngahamba ekuseni ngaya emsebenzini ngathola ucingo lungazisa ngalezindaba ezibuhlungu. Ngaphuthuma endaweni yesigameko ngafica udadewethu elele embhedeni ebotshwe izandla, elimele emzimbeni kanti ubuso bakhe babuvuvukile ubona ukuthi utshaywe kanzima.
“Ngisathukile. Okubuhlungu kakhulu ukuthi Iesigameko senzeke phambi kwengane.
“Sasimtshela ukuthi aphume kulobudlelwano ahlukumezeka kubo. Wavuma wathi usekhathele, kodwa izinto zaphetha ngalendIela.”
Ukhansela Sbongumusa Zuma uthe lesigameko senzeka nje bekade behlele ukuba lembizo yabantu besilisa.
“Lesi isehlo esingesihle. Okubuhlungu kakhulu ukuthi lento beyenzeka phambi kwengane.
“Lesigameko siyitshiye ihlukumezeke kakhulu. Iphenduke intandane ngosuku olulodwa,” kutsho yena.
Okhulumela amapholisa uSergeant Sifiso Gwala uthe amapholisa aphenya icala lokutshaywa kubulawe umuntu.-Ubulembu
