Pheka loMaMoyo: Imibhida ehlukeneyo lerayisi

Bakhona abantu abangayidliyo inyama loba ngeyaluphi uhlobo kubangwa yizizatho ezehlukeneyo. Kungaba  yimikhuhlane, isonto njalonjalo. Kuthi abanye abayifuni nje kuphela laba kuthiwa ngosombhida (vegetarians)

Okudingakalayo
a)    Inkomitsho ezintathu zerayisi

b)    Ibilebile elide 3, amatamatisi angu  6, ihanyanisi ezingu 4, inkomitsho ezingu 2 zephizi (peas) ezicacadiweyo, amakherothi angu 4

c)    Inkomitsho eyodwa ye magarina

d)    Inkomitsho eyodwa yebhinzi (beans)

e)    Umthikazana cloves of garlic ezingu 4, inkunyana zecinamoni ezingu 5.

f)    Iziqa zekholifulawa ezingu 6.

ukulungisa imibhida
a)    Gezisa yonke imibhida ngokwehlukana kwayo

b)    Hluba amatamatisi uwaqobe iziqana, yenza ibilebile iziqana

c)    Hluba iminxeba yebhinzi iminxeba ubusuziqhoba, qoba ihanyanisi

d)    Qoba amakherothi abe zidingelezi, yehlukanisa icauliflour

e)    Lungisa yonke imibhida ozayipheka.

Ukupheka
a)    Thambisa irayisi okwemizuzu engu 45

b)    Pheka imibhida yonke ndawonye okwemizuzu engu 15 ufake  imajarina eyihafu yenkomitsho

c)    Bilisa amanzi uwabeke laphayana

d)    Ncibilikisa enye ihafu yenkomitsho imajarina empikeni omkhulu owanela konke ofuna ukukupheka, irayisi uyabe usuyiphekile.

e)    Faka amacloves umphika usutshisa

f)    Nxa ihanyanisi isisiba  luthuthuvana faka amatamatisi uwakhanzinge ubusuthela irayisi phezulu.

g)    Khanzinga irayisi uphenduphendula ize itshise.

h)    Thela amanzi abephezulu kwerayisi, thela isawudo ubusuthela yonke imibhida oyiphekileyo phendula konke kanye kanye kuphela

i)    Yekela kuphekeke emlilweni omncinyane okwemizuzu eyi 30

j)    Vuvuzela izincezwana zamazambane akhanzingiweyo phezulu anduba kuphakululwe kudliwe.

Ukudliwa
Phakulula kudliwe kunjalo konke kundawonye, kumnandi impela bantu.

Irayisi ye Brazil

Okudingakalayo
a)    Ihanyanisi eyodwa esikiweyo, igalic iqotshwe iziqana

b)    Inkezo zamafutha ezimbili

c)    Inkomitsho ezimbili zerayisi lesawudo

d)    Amanzi abilayo ngenkomitsho ezingu 3.

Ukupheka
a)    Khanzinga ihanyanisi legarlic ibeluthuthuvana, thela irayisi upheke imizuzu engu 3 anduba uphendule

b)    Thela amanzi abilayo inkomitsho ezingu 3

c)    Pheka ngomlilo omcane kuze kuvuthwe

d)    Pheka ukuthi irayisi yakho iphume ingabhidlikanga

e)    Nanzelela lokhu

Irayisi lezi zidliwa yibo bonke abangayidliyo inyama esithi ngabadla imibhida (vegetarians) kodwa lawe ungaziphekela nje ukholise.