Online Reporter
Abel Ndooka
CHIKWATA cheKwekwe United chakashevedzwa kuti chigomira pamberi pekomiti yePremier Soccer League (PSL) Disciplinary Committee zvichitevera kutadza kwachakaita kutamba mutambo wacho neHerentals svondo radarika.
Nemusi wa21 Kubvumbi, Kwekwe United yaifanira kusangana neHerentals College asi yakatadza kuenda kunotamba mutambo uyu kunyangwe hazvo iriyo yaive iri pamusha payo kuBata Stadium kuGweru.
Zvichitevera chiitiko ichi, PSL yakanyorera Kwekwe United ichiizivisa kuti igouya kuzomira pamberi pekomiti yedisciplinary committee musi wa5 Chivabvu.
Mukushi wemashoko wePSL, Kudzai Bare, muchinyorwa chakabva kusangano iri anoti:
“Castle Lager Premier Soccer League (PSL) yakashevedza Kwekwe United FC kuti igomira pamberi pePSL Disciplinary Committee zvichitevera kutadza kwakaita chikwata ichi kutamba mutambo wavo neHerentals FC nemusi weMuvhuro 21 Kubvumbi 2025.
“Kwekwe United iri kutongerwa mhosva yekutyora mutemo weOrder 31 wePSL Rules and Regulations chikamu 31.1.8 icho chinoti imhosva kana chikwata chikatadza kuzadzikisa mutambo wacho kana zuva nenhandare zvarongwa neLeague
“Chikamu :31.2.17 kana Chikwata chikaita maitiro anosvibisa league kana vamwe vakotsveri vayo kana kuita zvinogona kukuvadza nekusvibisa league.
“Nyaya iyi ichagarirwa pasi nedisciplinary committee musi wa5 Chivabvu 2025 nenguva dza17:30hrs,” anodaro Bare.
Online Reporter