admin
KUBHUNTSHE izingxoxo zelobolo kubotshwa “umkhwenyana” ekhweni lakhe ngoba kuthiwa uyathinteka ekutshayweni ngamatshe lokubulawa kukamakhelwane wakhe abemsola ngokuzama ukweba imali yakhe abezolobola ngayo.
Umsolwa oleminyaka engu-36, elisagodliwe igama lakhe kuze kube uvela enkantolo lamuhla, kuthiwa uficwe amapholisa ekhweni lakhe eMondlo, eVryheid ngoLwesine ekuseni, esemukelwe wangeniswa ekhweni.
Ngokutsho kwepholisa elingagunyaziwe ukukhuluma nabezindaba, umkhwenyana ubotshwe ngecala lokutshaya abulale uMnuz Xolani Nkosi (24).
“Sithole ukuthi umsolwa ubebeke imali yakhe endlini yakwagogo ukuze ikhothwe amadlozi wabe esebona umufi uNkosi elunguza kuleyo ndlu obekubekwe kuyo imali engu-R20 000 (welobolo). Sithole ukuthi ube esecasuka wamtshaya waze wamgxoba ngamatshe, wagcina etshonile. Imali ayizange ithathwe ngoba umsolwa ngoLwesine uphikelele ekhweni lakhe eyolobola okuyilapho amapholisa emfice khona. Ngesikhathi sifika khona sithukwe osisi bakhona batshiya abangalazi, bekhumula besidunusela bethi sinomona sithunywe abanakwabo bentokazi ebizolotsholwa,” kutsho leli pholisa.
Ngesikhathi abesifazane bedunusa kuthiwa amapholisa awazange ahlehle, aqhubekile aqonda ngqo endlini obekuhleli kuyona umkhwenyana ongumsolwa amxhakathisa ahamba naye.
Kuthiwa kwale ngisho ingoduso isikhihla isililo yaze yavukwa yisibibithwane kodwa amapholisa angayingena leyo aqhubeka ambopha.
Ngesikhathi kwenzeka lokhu kuthiwa bese kuphakathi nezingxoxo zelobolo.
Okhulumela amaphoyisa uMajor Thulani Zwane usiqinisekisile lesi sehlakalo wathi umsolwa ugcinwe esitokisini saseMondlo ukuze avele namhlanje enkantolo yaseNquthu.
Uthe imali yelobolo ithathwe ngenhloso yokuthi ibe ngubufakazi ecaleni.
Ibhuntshile imizamo yokuxhumana nengoduso lomndeni wayo. — Ubulembu
Online Reporter