admin
UMQEQETSHI we-Al Ahly, uPitso Mosimane, uthe ukwehlulwa liqembu lakhe lakudala iMamelodi Sundowns kwenze inhliziyo yakhe yaqaqamba okwedluliseyo.
I-Al Ahly itshayelwe ekhaya yiSundowns nge 1-0 emdlalweni wamaqoqo weCaf Champions League. Ibhola elihlohlwe ngamaBrazilians livalelwe phakathi nguThapelo Morena kulumdlalo obuseCairo International Stadium ngoMgqibelo ebusuku.
Ngaphandle kwalokhu, uMosimane, ubuye wakhala langokungabikhona kwe-Video Assistant Referee (VAR) kulumdlalo.
Okwenza uMosimane abalise yikuthi uPercy Tau owayengumdlali weSundowns, utshaye ibhola phakathi kodwa laphikwa okwenze uMosimane wakhala ngokusilela kwe-VAR ngemuva komdlalo.
Bekungokokuqala ukuthi i-Al Ahly itshayelwe ekhaya koweChampions League kusukela ngo-2016.
“Siphatheke kabi sonke ngenxa yalimpumela kodwa kimi kuzwela kakhulu ngoba ngitshaywe liqembu ebengingafuni ukuthi lingehlule.
“Ngiyazi ukwehlulwa kuyingxenye yomdlalo kodwa-ke kubuhlungu,” kutsho umqeqetshi lo.
UMosimane uyincomile iSundowns ngokunqoba kwayo wasevikela abadlali bakhe.
“Akukho angingakuhlaba kubadlali bami ngoba bazame konke. Bengingazi kodwa ukuthi lokhu kuhlasela ngamandla kuzovulela iSundowns ithuba lokusibamba ngejubane njengoba kwenzekile,” kuqhuba uMosimane.
Uthe lokhu kumfundise lukhulu kodwa okumphethe kabi kakhulu ukuthi sekufanele bajuluke ukuze bazibeke ethubeni lokudlulela esigabeni esizalandelayo kulumqhudelwano.
“Ngiyayibongela iSundowns kodwa ngiyohlala ngibuza njalo kuCaf ukuthi kungani ingekho i-VAR?
“Kulezikhathi lapho unozinti weSundowns (Kennedy Mweene) ebebambela khona ibhola engaphandle kwebhokisi ikanti lebhola likaPercy (Tau), ngokwami bekufanele libalwe.”
ISundowns iyakhokhela kuGroup A ngemiklomelo eyisikhombisa emidlalweni emithathu. EzikaMosimane ezilemidlalo emibili, zisendaweni yesithathu ngomklomelo owodwa. Endaweni yesibili kuhlezi i-Al Merrikh ngemklomeloamaphuzu amane.
I-Al Hilal isemsileni. NgoMgqibelo i-Al Ahly izakwamukela i-Al Merrikh okungumdlalo okumele iwunqobe ukuzibeka ethubeni lokudlulela esigabeni esilandelayo. ISundowns izabuyela kuChampions League mhlaka 11Mbimbitho.
Isiphetho….
Online Reporter