adminULALE ebaliwe esitokisini uDJ odumileyo eThekwini oke wasebenzisana le-Afrotainment ngemva kokubanjwa entshontsha imbodlela yewayini esitolo sakwaSpar e-Avondale eThekwini.
U-DJ lo ongeke aze abikwe ngebizo ngoba akakaveli enkantolo kuthiwa ugile umhlola lo ngeSonto emini.
Abafakazi baloludaba abasebenza esitolo bathe akuthathanga isikhathi eside ukuthi imota yamapholisa ifike, anduba behambe loDJ lo enkambeni yaseBerea.
UDJ lo, okungathi izinto azisamhambeli kahle kusukela washiya e-Afro wafuna ukuzimela.
Kusolakala ukuthi ukhona omncinzileyo uDJ lo ngoba udaba lwakhe selufike kuntatheli. Kubikwa wacela ukukhitshwa komunye umnyango hatshi ngalapho obekupake khona iveni yamapholisa ngoba esesaba ukuthwetshulwa zintatheli.
UDJ lo ubehamba labangane bakhe kulowesifazane emoteni.
Kubikwa ukuba ungene yedwa esitolo eyokweba imbodlela yewayini kanti uzolahlwa elakubo abanjwe njengoba ebotshwe yedwa.
Osebenza esitolo okhulume lentatheli kodwa wacela ukuba angaqanjwa wethukile esizwa ukuthi uDJ ungusaziwayo obanjwe ezama ukweba iwayini.
“Kulendoda ebanjwe izama ukweba iwayini kodwa udaba lwakhe lusaxoxwa ehofisini kamanenja, seliyizwe ngobani le ndaba?” utsho kanje.
Umaneja wesitolo ongathandanga ukuqanjwa ucele ukuba kuthintwe amapholisa aseBerea ngokunengi mayelana lesigameko lesi.
Okhulumela amapholisa eKwaZulu-Natal uBrigadier Jay Naicker uthe bayakuqinisekisa ukuthi sikhona isigameko esenzeke izolo lapho owesilisa oleminyaka engu-34 ebotshwe ngemva kokuzama ukuntshontsha ibhodlela lewayini esitolo esisemgwaqweni u-Avondale .
“Umsolwa usenkambeni yamaphoyisa eBerea. Uzobekwa icala lokuntshontsha esitolo, uzovela emthethwandaba kamantshi waseThekwini,” kutsho uNaicker. — Ubulembu
Online Reporter