Online Reporter
UVUMA eyezidakamizwa umdeni wowesilisa weMambedwini, koMaphumulo, eSouth Africa odutshulwe ngoyaba lwezinhlamvu enqunu elele endlini yentombi yakhe eClare Estate, eSydenham, ngesonto eledluleyo.
Umufi uMnumzana uGoodman Mbhele (26) udutshulwe wafa ehlezi lentombi yakhe uNkosazana Zinhle Shezi.
Kuvele ukuthi ngoLwesine ebusuku kugasele amadoda angu-8 angene endlini ngendluzula aphoqa owesifazane ukuba aphumele emnyango ngoba abefuna “ukubhekana lowesilisa”.
Ngemva kwalokho kuthiwa owesifazane uzwe ngenganono iqhuma ingapheli ngaphakathi endlini laye wazifundela kwezakhe ukuthi sekonakale.
Kuthiwa umufi udutshulwe enqunu njengoba ababulali befike elele engagqokanga lentombi yakhe.
“Bamdubule enqunu futhi bekubonakala ukuthi bahlose ukumbulala ngempela, abadlali ngendlela abamdubule ngayo,” kuchaza umthombo.
Umfowabo kamufi, uMnu Sfiso Mkhwanazi, utshele intatheli ukuthi bamangele ngendlela abulawe ngesihluku ngayo umfowabo.
Ulimise ngesihloko elokuthi balimele kakhulu ngalokhu okubehlele bengalindele njengomdeni.
“Ibe buhlungu kakhulu linto eyehlele umfowethu. Indlela abambulale ngayo ikhombise ukuba lesihluku esikhulu. Ngitsho kuthiwa ubenzeni kodwa bekungafanelanga ukuba bambulale ngaleya ndlela abenze ngayo,” usho kanjena.
Uthe ngesikhathi efika endaweni yesehlakalo intombi ibibonakala ithuke kakhulu kucaca ukuthi ayikakholwa yile nto eqeda kuyibona ngamehlo ayo.
Yize ephatheke kabi ngokubulawa kukamfowabo ngesihluku uthe kodwa ngeke aze akuphike ukuthi ubebandakanyeka ekuthengisweni kwezidakamizwa.
Uveze ukuthi abanye bathi amapholisa la afika amdubula. Uma kunjalo ubuza ukuthi kungani pho engazange amthathe ambophe kulokuthi ambulale ngesihluku.
“Thina njengomdeni wakhe ngeke size sithi ubengakwenzi okubi ngoba ngabe siqamba amanga uma singatsho njalo. Kodwa esikhala ngakho yikuthi abulawe ngesihluku esinjena,” utsho kanjena.
Eqhuba uthe njalo uma umuntu onile amapholisa kumele ambophe, kungakhulunywa indaba yokuthi asembulele.
“Umuntu kumele abotshwe ukuze ajeze abhadle ejele ngamacala akhe, hayi ukuthi kube khona abantu abazozijezisela bese bekhipha isidumbu nje kalula kanjalo,” utsho kanjena kuzwakala ukuthi ukhathazekile kakhulu. Uthe bazobhukula benze konke okusemandleni ngenhloso yokuqinisekisa ukuthi buyatholakala ubulungiswa ngokubulawa kukamfowabo ngesihluku esinje.
Uveze ukuthi bake bahlala phansi laye umufi babhunga kabanzi ngodaba lokuthi kumele azitshiye phansi izidakamizwa kwaba sengathi ungumuntu ozwayo.
Uthe inkinga enkulu yikuthi umfowabo selokhu aphelelwa ngumsebenzi ngo-2020 akaphindanga wawuthola omunye.
“Ubefisa ukuphuma ezidakamizweni, ububona ukuthi ukube ubewuthola umsebenzi ubengaphuma nje kalula kuzo,” utsho kanje.
Amapholisa aKwaZulu-Natal kuze kwatshaya isikhathi sokushicilela engaphendulanga ngalolu daba. —Isolezwe
