Online Reporter
Izabizwana ezikhomba buqamama zakhiwa kuzabizwana zokukhomba eduze ezilelunga elilodwa u-lo lo-la, sijobelela u-wo.
Esabizwaneni sokukhomba eduze esilelunga elilodwa u-le sijobelela u-yo.
Nanzi izibonelo ngaphansi kwezihloko lezi: isigaba, isabizwana sokukhomba eduze kanye lesabizwana sokukhomba buqamama. Isigaba 1 isabizwana sokukhomba eduze lo + wo = lowo isabizwana sokukhomba buqamama.
Ezabizwaneni zokukhomba eduze ezilamalunga amanengi sisusa unkamisa wokucina besesijobelela u-o.
Nanzi izibonelo ngaphansi kwezihloko isigaba, isabizwana sokukhomba eduze lesabizwana sokukhomba buqamama. Isigaba 2a, isabizwana sokukhomba eduze lab(a) + o=labo isabizwana sokukhomba buqamama.
Isigaba 5 le (i) +o = lelo isabizwana sokukhomba buqamama.Isigaba 7 les(i) +o =leso isabizwana sokukhomba buqamama.
Isigaba 14 lob(u) +o =lobo isabizwana sokukhomba buqamama.
Ukwakhiwa kwesabizwana sokukhomba kude.
Izabizwana ezikhomba kude lazo zakhiwa kuzabizwana zokukhomba eduze. Sijobelela u-ya ezabizwaneni zokukhomba eduze.
Abanye basebenzisa isijobelelo u-yana ezabizwaneni zokukhomba eduze.
Nanzi izibonelo ngaphansi kwezihloko isigaba, isabizwana sokukhomba eduze lesabizwana sokukhomba kude.
Isigaba 1 lo + ya- = loya/loyana oyisabizwana sokukhomba kude.
Isigaba 15 lokhu +ya = lokhuya/lokhuyana oyisabizwana sokukhomba kude.
