Vusumuzi Dube
Peter Matika
UMFUDISI omkhulu webandla leRiver of Life uBothwell Phiri (57), odubule indodana yakhe emzini wakhe eKumalo koBulawayo wetheswa icala lokuzama ukubulala.
Osaphethe isikhundla sesikhulumi samapholisa koBulawayo uAssistant Inspector Nomalanga Msebele uthe bamukele umbiko lo.
Uthe isehlakalo lesi senzakale mhlaka 17 Mbimbitho ngo 1.20AM. Uchaze ukuthi indodana kaPhiri, uJordan (29), wafika endlini evela kwelinye ipulazi eSogodini, wehluleka ukuthi angene phakathi ngoba kukhiywe iminyango.
“Wasuka lapho wavula ifasitela ezama ukuthi angene endlini. Wasedutshulwa ngumsolwa owayebona angathi yisitha esasingena endlini. Uthe esenanzelele ukuthi yindodana yakhe, wamgijimisela esibhedlela seUBH lapho athola ukwelatshwa.
Ukusimo esiphephileyo okwakhathesi,” kutsho uAsst Insp Msebele.
Uthe uPhiri utshele amapholisa ukuthi udubule indodana yakhe lokuthi kube liphutha ngoba wayecabangela ukuthi yisigebengu.
“Kube ngumnyama nje. Umsolwa ubuzwe ngamapholisa wabika ukuthi ubecangela isigebengu. Isikhali sakhe sahlohlwa, kwatholakala ukuthi sisemthethweni njalo ulechence,” kutsho uAsst Insp Msebele.
Udaba luyaqhubeka . . .
Online Reporter