admin
UMGADLI weOrlando Pirates uTendai Ndoro wenze kahle ngoMgqibelo ngokudlala okuthokozise umqeqetshi wakhe uEric Tinkler othe umdlali lo uzayithola indawo kuthimu yakuqala.
UNdoro udabuka eZimbabwe njalo usuke kuleli edlalela iqembu leChicken Inn.
Ngempelaviki uNdoro ubeyingxenye yeOrlando Pirates ebingqikilana leKaizer Chiefs kubangwa inkezo yokuvala isizini eye Carling Black Label Cup eFNB Stadium, eSoweto.
UNdoro owaziwa ngelithi “Fire” kunguqu ungene kwahlanya inkundla yonke, wafika wayidonsa iPirates phambili kwenkundla. Uhlohle njalo umbekwa wokucina, oyiwona odale ukuthi Ezinkulu zibizwe ngokuthi zintshantshu zeCarling Black Label ka2015.
Ebuzwa ngombono wethimu yakhe, uTinkler uthe uyasuthiseka ngabadlali abanjengoNdoro.
Kusenjalo ukaputeni omutsha weKaizer Chiefs uSiphiwe “Shabba” Tshabalala uzowenza ngendlela umsebenzi wakhe ngokutsho komqeqetshi waleli qembu uSteve Komphela.
Umdlali lo ukhethwe waba ngukaputeni weChiefs kulandela ukuhamba kuka-Itumeleng Khune loTefu Mashamaite.
UTshabalala ukhokhele iqembu okokuqala ngesikhathi iKaizer Chiefs idlale lezinkulu i-Orlando Pirates emdlalweni, ngoMgqibelo.
“Abadlali yibona abamvoteleyo ukuthi abakhokhele. Uyalazi iqembu njalo ngiyakholwa ukuthi uzowenza ngendlela umsebenzi wakhe. Bakhona azabe esizana labo,” kutsho uKomphela.
Uvumile ukuthi akakaze abe yingxenye yomdlalo walezi zinkuzi ezimbili ngaphambilini kodwa uzatshengisa ulwazi kumidlalo yeligi.
Uthe imidlalo yonke lapho abazadibana leOrlando Pirates izakuba yisitshengiselo sokuthi iKaizer Chiefs iphetheni njengeqembu kulisizini.
“Kuzovela ukuthi sesihambe ibanga elingakanani ngamalungiselelo ethu.” UTshabalala uthe ukuba ngukaputeni akutsho ukuthi sekufanele agoqe izandla, azitshele ukuthi uzovele athole ijesi kalula kuleliqembu.
“Nxa bengisebenza ngokuzikhandla kufanele ngisebenze ngamandla njalo. Ukuba ngukaputeni akutsho ukuthi sengizothola indawo kalula eqenjini. Kufanele ngisebenze nzima ngikhokhele ngendlela.” Uthe iKaizer Chiefs izadlala kakuhle njengalokhu eyakwenza ngesizini edluleyo.
Online Reporter