admin
Kulandela umncintiswano wabahlabeleli owesizini yesi 12 kuSouth African Idols, umnqobi walumncintiswano uthole amavoti adlula 83 miliyoni.
Umkhosi wokwethula intshantshu kwezokucula ubuse Carnival City lapho uNoma Khumalo (22) avezwe njengentshantshu yabaculi bonke.
Emkhosini lo bekulabaculi beSouth Africa abadumileyo abagoqela uAKA, Kelly Khumalo, Nathi kanye loKarabo Mogane owaba yintshantshu kumnyaka ophelileyo. Bonke laba becule emkhosini lo.
UMahluleli weSA Idols u-Unathi udlale umculo wakhe encedisana lendumezulu yeKwaito uZola kanye lo DJ Merlon.
USomizi ucule loMbhishoph shezi othole indondo yeWooden Mic.
UNoma ube ngowokuqala kwabesifazana bonke ukuba yintshantshu elandela uKarabo Mogane, Vincent Bones, Heinz Winckler, Anke Pietrangeli, Karin Kortje, Jody Williams, Jason Hartman, Sasha-Lee Davids, Dave van Vuuren, Khaya Mthethwa lo Musa Sukwene.
Njengentshantshu uNoma uphiwe umvuzo weR1,2 miliyoni, kanye lekhontileka yokucindezela idlalade eGallo Record Company.
Online Reporter