adminYiNtatheli kaMthunywa
KULENDODA yelokitshini leMzilikazi koBulawayo etshiye inkundla yeTredgold ibambe owangaphansi ngemva kokuzwa ngendoda ekhande umakhelwane wayo oleminyaka engu-64 ngamatshe andubana izame ukucatsha ngomunwe ithi yayithunywe yimimoya emibi.
Umsolwa uKhumbulani Dube umiswe emthethwandaba esetheswa icala lokukhanda umamangala uMark Phiri (64) ongumakhelwane wakhe ngamatshe ekhanda mhlaka 13 Mpandula ngehola lesificaminwe mibili ntambama.
Umantshi kulelicala uMnumzana Tinashe Tashaya uzwe ukuthi umsolwa wafika wazithela emzini kamamangala enganxuswanga andubana aqoqede emnyango lapho athi evulelwa umnyango wahle wamsukela wamkhanda ngamatshe kathathu ekhanda.
Umsolwa eqeda kuhlasela umamangala wadliwa ngumswenya.
Kubikwa umamangala wasala edinga uncedo kwabanye omakhelwane abahle bayabikela amapholisa umsolwa wabotshwa.
Ebuzwa ngumantshi ukuthi kungani wasukela umamangala ngamatshe engamonelanga wathi wayengela nhloso yokumtshaya kodwa wezwa ilizwi limthuma ukuthi enze icala leli.
Ukuthoniswa kwecala leli kudluliselwe lamuhla lapho inkundla ezaphinda ithi gwaqa njalo.
Online Reporter